Benodigdhede
1kg Vleis (maalvleis of blokkiesvleis)
250g uie, fyngekerf
125g aartappels in fyn blokkies gesny
125 tamaties, ontvel en opgesny
125 ingelegde appelkose opgesny
25ml matige kerrie (of soos verkies)
10ml borrie
1ml gemmer
2.5ml peper
15ml sout
125ml asyn
25ml appelkooskonfyt
25ml suiker
25ml mielieblom
Metode
Braai uie totdat dit byna gaar is en gooi kerrie en gemmer by.
Voeg vleis by en braai tot verbruin.
Voeg die aartappels, tamaties, ingelegde appelkose, sout en peper by.
Stowe tot gaar.
Meng die borrie, asyn, appelkooskonfyt, suiker en mielieblom met water.
Voeg by vleis by en stowe nog ’n rukkie.
Verwyder van die stoof. Dit mag glad nie aanbrand nie, dan is die hele gereg verbrou.
Hierdie gereg is heerlik saam met rys, pasta of as pannekoekvulsel.
• Dit is opsioneel om die aartappels, tamaties of geblikte appelkose by te voeg. Elkeen gee ’n ander smaak aan die gereg.
• Dit kan ook gevries word.
