EntertainmentLifestyle
Motorfiets het nog koeëlmerke
Van ou Volkswagen 'Beatles' tot 'n motorfiets uit die oorlog sal op 25 April, vanaf 07:30-13:00, in die parkeerarea agter Maranata 4x4 Outdoor Centre (hoek van Cowen Ntuli- en Walter Sisulustraat) te sien wees.
‘n Opgewonde mnr. Bernard Eyssel het gesê 16 entoesiaste het al laat weet dat hulle ou VW Beatles sal bring. Hy het ook verneem dat ‘n MG Sportmotor en ‘n motorfiets uit die oorlog daar gaan wees. Dié motorfiets het nog merke op waar hy raakgeskiet is!
Mnr. Eyssel sê die idee is om te kyk hoeveel ou voertuie hulle bymekaar kan kry. “Om uit te stal is gratis en almal kan kom saamkuier.”
Mense wat ou voertuie het, kan op dié dag net opdaag en dit uitstal.
Vir verdere navrae, bel Johnny Morgan by 013 243 3590 of 082 200 1832 of mnr. Eyssel by 083 278 9722.
