Opvolg: Slagoffer van Laeveld
Die vrou wat Verlede Donderdag opslag dood is toe 'n trok haar op die sy op die Vandyksdrift-koppelaar getref het, is Maandag uitgeken as me. Annarie Human van Nelspruit.
Sy was onderweg na Pretoria vir haar dogter, Melinda, se 21ste verjaardag wat sy Saterdag gevier het.
“My ma sou oorslaap by ‘n vriend in eMalahleni, maar het nooit daar opgedaag nie,” het Melinda Woensdag bedroef gesê.
Die botsing het omstreeks 21:30 plaasgevind.
Daar was ‘n 19-jarige passasier wat me. Human na die partytjie vergesel het, maar sy was reeds hospitaal toe geneem toe die Middelburg Observer by die toneel opdaag.
Die meisie, wie se identiteit nie aan die koerant bekendgemaak is nie, is Woensdag uit die Life Midmed Hospital ontslaan.
“My verjaardag was ‘n droewige affêre, my ma was my beste vriend,” sê Melinda.
Me. Human word Vrydag vanuit die AGS Oasis gemeente in Reynorif, eMalahleni, ter ruste gelê.
Naas Melinda laat sy haar ander dogter, Jean-Mari, agter.
Die meisies bly saam in Pretoria.
Lees vorige berig hier:
