Batterye teruggevind

Loskop Alarms het Maandagoggend omstreeks 05:10 ‘n oproep van hul kliënt van Tile Zone af gekry dat sy van Car Track af ‘n boodskap gekry het dat daar batterye vanaf hul Tata- en Hino trokke ontkoppel word. Die reaksie-offisiere, asook polisiemanne, het dadelik na die besigheid gejaag.

Met hul aankoms was die diewe nog met hul bakkie op die perseel, maar het laat spaander in die rigting van die taxistaanplek toe hulle die reaksievoertuie opmerk.

By die taxistaanplek is ‘n waarskuwingskoot gevuur toe die twee verdagtes die donker in verdwyn.

Hulle het die batterye laat val en weggehol.