Skok by begrafnis
Terwyl die kis van 'n geliefde inwoner Vrydag laat sak is, het haar dogter in 'n oop graf langsaan geval.
Me. Magda Lewis het net ‘n oomblik haar balans verloor en toe haar oom, Sarel Pretorius, help keer, het albei die graf ingetuimel.
Verskeie grafte is reg langs mekaar gegrawe en me. Lewis en mnr.
Pretorius was die enigste wat aan die noorde kant van die graf gaan staan het. Daar was net sentimeters staanplek tussen wyle me.
Babs Pretorius se graf en die ander oop graf.
‘n Leer is inderhaas gekry om hulle uit die graf te kry, waar hulle in water beland het.
Begrafnisgangers was erg getraumatiseer, maar die begrafnis moes midde in die skok voortgaan.
Magda werk vir die Steve Tshwete verkeersdepartement en haar pa, Gert, was jare lank die brandweerhoof op die dorp.
Dit was lank die gebruik om oop grafte tydens begrafnisse met houtplanke en sinkplate toe te pak vir roubeklaers se veiligheid.
“Dit is die norm,” sê me. Dalene Lamprecht, Steve Tshwete se parkehoof, wat Maandag in die duister was oor die voorval.
“As daar oop grafte is word hulle toegemaak,” het sy telefonies gesê.
Magda, wat die week saam met haar gesin by die kus uitspan, het haar dank teenoor haar en haar oom Sarel se helpers uitgespreek.
This is terrible. This is unacceptable. How can you say Good bye to u’re loved ones with dignity when you have to worry about falling into an open grave. The municipality should give our loved ones the dignity they deserve. It seems even in the cemetery their is no respect for human dignity. Wow! Can you guy’s do something about this. This is not the first time.