Wie maak arsenaal bymekaar?

Word ’n wapenarsenaal bymekaar gemaak en vir watter rede?

Dit is die vraag op Middelburgers se lippe met misdadigers wat nie vir geld en selfone vra nie, maar vir vuurwapens.

Elf vuurwapens is die laaste twee weke op die dorp gesteel tydens inbrake.

Wat inwoners onrustig laat slaap, is dat die rowers wat by die binnemuurse krieketbaan die naweek toe geslaan het, dadelik gevra het vir vuurwapens.

Eienaar, mnr. Fred Else, is erg aangerand.

Die twee rowers het onmiddellik vir vuurwapens gevra toe hulle hom aanval.