Nuusflits: Inbraak by OK Liquor

Duisende rande se drank is vanoggend tydens ’n inbraak by OK Grocer se OK Liquors in Meyerstraat gesteel.

September 2, 2016

Daleen Naude 1 minute read

Die inbrekers se metaalblou voertuig, ’n VW GTI. Die kar het ’n stamp op die regter agterdeur.

Die groep het omstreeks 04:50 eers voor die kitsbank gestop, maar weer gery.

Teen 05:00 was hulle terug, waarna hulle met ’n koevoet die deur oopforseer het. Die booswigte het hulself gehelp aan die duurste drank, wat se pryse wissel tussen R500 en R3 000.

Van die drank wat gesteel is, is onder andere: Johnny Walker Platinum R1 100 per bottel, Johnny Walker Blue – Label R2 700, Jameson en Hennesey.

Die kabinet wat oopgebreek is vir toegang tot die duur drank

Op videomateriaal kon hulle sien dat die groep gery het met ’n metaalblou Volkswagen GTI Golf sonder nommerplate. Die voertuig het ’n stamp op die regter agterdeur.

Mnr. Christo Vlok (OK Grocer) vra dat enige persoon wat inligting het oor die inbraak of die voertuig gewaar, om hom dadelik te bel by 013 243 3638.