Opvolg: Nie net een gifbende
Daar is duidelik nie net een gifbende in die omgewing betrokke nie, want net drie dae nadat vier verdagtes vasgetrek is, is 'n skoothondjie vergiftig.
Die polisie het Vrydag in die vroeë oggendure vier verdagtes na ‘n jaagtog vasgetrek met gif en inbraaktoerusting in hul besit.
Maandagmiddag het die Snyman gesin hul skoothondjie, Sokkies, dood by hul huis in Korhaanstraat (Kanonkop) gekry. Dit volg net etlike dae nadat hul rifrug, Rocky, vergiftig en die palissade hek van die spoor afgetel is.
• Dieselfde nag is nog twee ander honde in dieselfde straat vergiftig. Om die hoek van Korhaan-, in Broodboomstraat, het mnr. Eric Cason omstreeks 03:00 daardie nag wakker geword van sy honde se geblaf en gesien hoe die booswig iets oor die heining gooi.
Hy het gekeer dat sy honde daaraan vreet en later die gif, Temik, opgetel waar die booswig dit gegooi het.
Lees vorige stories hier:
Opvolg: Honde weer afgemaai met gif
Temik – begin van misdaadsirkel
Temik – strooiers slaan weer toe in Pleinstraat
48 Dogs, One cat killed in 28 Days
