Opvolg: Polisie sê arrestasies kom
Terwyl die gesin van mnr. Norman Aarons nog die skok van sy moord verlede Vrydagaand in Wesstraat probeer verwerk, is die polisie warm op die spoor van die moordbende.
Arrestasies is egter nog nie gemaak nie.
Intussen maak die gesin gereed om die huis te ontruim, omdat hulle nie die huur kan bekostig nie.
Mnr. Aarons het die huis met sy vrou Elsa, hul dogter Andrea, dié se verloofde Juan, en Andrea se twee kinders, gedeel.
Mnr. Aarons is met een skoot, terwyl sy hande in die lug was, in sy slaapkamer doodgeskiet.
Elsa en haar kleinseun Liam (5) was op die bed in die kamer saam met mnr. Aarons, toe Andrea skielik ingehardloop het om hulle te waarsku van die huisroof in aanvang.
Mnr. Aarons het gepoog om sy wapen uit die kluis te haal, maar is by die kasdeur deur twee huisrowers oorval.
Terwyl hulle hom teen die kasdeur met sy hande in die lug vasgedruk het, het ‘n derde makker om die kamerdeur geloer en mnr. Aarons sonder waaskuwing geskiet.
“Wat ons na die tyd opgeval het is die feit dat die rower maklik een van sy bendelede kon raakskiet toe my pa vermoor is,” het mnr. Aarons se seun, Eric, dae na die moord gesê.
Die polisie wou nie enige sensitiewe inligting bekendmaak, anders om te sê “arrestasies kan binnekort verwag word”.
Die huis is na die moord omstreeks 23:30, deur forensiese spesialiste gefynkam vir vingerafdrukke, wat volgens ‘n bron wel gekry is.
Hoewel die gesin nie beslis kan sê hoeveel rowers betrokke was nie, kon vier wel bevestig word.
Die rowers het te voet gevlug.
Opvolg: Moord se vernietigende gevolge
Send a message to our SMS line 37 940 or add us onto Facebook and Twitter to receive your free daily news updates.
Also check out our Video’s on Youtube daily!
