Netha se begrafnis Vrydag
Die welbekende oud-onderwyseres, me. Netha Ferreira (64), is Saterdag in die Wilgers Hospitaal oorlede, nadat sy sowat drie weke gelede 'n hartklepvervanging gehad het.
Haar man, Albie, het hartseer gesê dat sy nooit haar eerste kleinkind, Olivia, gesien het nie. Die baba is gebore kort voordat me. Ferreira in die hospitaal opgeneem is.
Me. Ferreira was welbekend by Laerskool Middelburg waar sy vir etlike jare die Departementshoof was van die SPO afdeling. .
Mnr. en me. Ferreira was die afgelope vier jaar getroud. Mnr. Ferreira het haar beskryf as “‘n fantastiese mens en die hulpvaardigste vrou wat ek ooit geken het. Jy kon haar altyd deur ‘n ring trek.”
Me. Ferreira word oorleef deur mnr. Ferreira, kinders Lin-Mari en Jan-Paul en haar kleindogter, Olivia.
Die begrafnis is Vrydag om 10:00 uit die Corpus Christi gemeente.
Send a message to our SMS line 37 940 or add us onto Facebook and Twitter to receive your free daily news updates.
Also check out our Video’s on Youtube daily!
