{"id":99818,"date":"2019-08-05T15:30:35","date_gmt":"2019-08-05T13:30:35","guid":{"rendered":"https:\/\/mobserver.co.za\/?p=99818"},"modified":"2019-08-05T13:47:10","modified_gmt":"2019-08-05T11:47:10","slug":"ons-lag-tot-mbombela","status":"publish","type":"post","link":"https:\/\/develop.citizen.co.za\/middelburg-observer\/sports-news\/local-sports\/2019\/08\/05\/ons-lag-tot-mbombela\/","title":{"rendered":"Ons lag tot in Mbombela…."},"content":{"rendered":"

Dit lyk asof Harry op pad is om weer vir Suidoos uit te draf.<\/p>\n

Ons ry saam met Leon \u201cDie skoppende aanklaer\u201d Nelspruit toe vir Suidoos-Transvaal Rugby-unie (Deesdae Mpumalanga Rugby-unie) se vyftigste verjaardag.
\nIn die kar is ook die flank Tinus Groenewald en Gerrie Gerrits wat vir Middelburg losskakel gespeel het en lank die vise-president van die unie was.<\/p>\n

\"\" \"\"<\/p>\n

Maak saam met Harry beurte om soos \u2019n worsbroodjie agter in die middel te sit.<\/p>\n

Daar word stories uitgeruil oor die oudae. Ons lag! Ons lag al die pad tot by die Mbombela Stadion.<\/p>\n

Leon vertel van die derde span wat altyd eerste gespeel het op die Kees Taljaard Stadion. Daarna het die derdes erewag gestaan vir die tweedes, gestort, \u2019n bier in die kleedkamer gedrink en is dan op na die onthaalsaal.<\/p>\n

Teen die tyd wanneer die eerste span opgedaag het vir die onthaal, was die derdes al heel vrolik. Di\u00e9 aand was Kosie, ons los liewer sy regte naam en van, al goed gekuier.<\/p>\n

Leon en Hendrik Koekemoer het besluit om hom huistoe te vat. Hulle het op en af gery, totdat Kosie \u2019n geel huis uitgewys het. Hulle is saam in om te kyk dat hy veilig is. Toe \u2019n vrou die deur oopmaak, het Kosie gebrom:<\/p>\n

\u201cAg nee, nou het ek nog besoekers ook!\u201d Die vrou het hom skuins aangekyk en heel simpatiek geantwoord: \u201cKosie, maar jy bly langsaan\u201d.<\/p>\n

\"\" \"\"<\/p>\n

L\u00ea Sondagaand in die bed en giggel weer oor Kosie, die verkeerde huis en die vele ander staaltjies.<\/p>\n

By die Mbombela Stadion is die legendes amper almal daar.<\/p>\n

Hulle vorm \u2019n erewag voordat die Pumas en Haaie mekaar in \u2019n Curriebeker kragmeting pak.<\/p>\n

Die Pumas wen!<\/p>\n

Na die wedstryd gee die Puma span en hulle afrigter, Jimmy Stonehouse, \u2019n hoendervel lekker seremonie in die presidentslosie.<\/p>\n

\u2019n Paar van die legendes by die feesviering was:<\/p>\n

\"\" \"\"<\/p>\n

\u2022Ruper Hector wat die eerste Suidoos-Transvaal kaptein en skrumskakel was.<\/p>\n

\u2022Richard Cooke, die haker met die giftige haakvoet wat kaptein was van die span wat die Westelike Provinsie in 1983 geklop het.<\/p>\n

\u2022Kallie Grobler, die speler wat die meeste drie\u00eb vir Suidoos gedruk het.<\/p>\n

\u2022Hendry van Tonder, die meneer agsteman wat later vir Noord-Transvaal gespeel het.<\/p>\n

\u2022Gert la Grange wat die losskakel was van die 1983 span.<\/p>\n

\u2022Terence Moll, nommer ses flank van die span.<\/p>\n

\u2022Jan Erasmus die voorry en grapkas.<\/p>\n

\"\" \"\"<\/p>\n

\u2022Loutjie Maritz wat agsteman gespeel het.<\/p>\n

\u2022Piet Craven, kaptein van Suidoos en \u2019n staatmaker by Middelburg Rugbyklub.<\/p>\n

\u2022Die kleurryke voorry, Jerry van Rooyen.<\/p>\n

\u2022Flank Francois Rossouw wat vir die SA Skole span gespeel het, vir Suidoos en Noord-Transvaal.<\/p>\n

\u2022Julius Weber, voorry en sekretaris van die unie.<\/p>\n

\u2022Twee van die legendariese Otto familie, pa Daan en sy seun die Bokslot Krynauw. Boetie Johan was nie daar nie.<\/p>\n

\"\" \"\"<\/p>\n

\u2022Lood Grobler, broer van Kallie en skitterende senter van die Suidoos beginspanne.<\/p>\n

\u2022Arrie Myburg wat vele wedstryde vir Witbank se tweedes en die Blesbokke op haker gesak het.<\/p>\n

\u2022Tonie van Rensburg wat vir Witbank gespeel het en \u2019n Suid-Afrikaanse bokskampioen was.<\/p>\n

\u2022Gene Matthey, blitsige vleuel van Witbank en Suidoos in 1977 en musikant waaroor die meisies geswymel het.<\/p>\n

\u2022Bakkies Lourens, wat 33 wedstryde vir Suidoos op heelagter gespeel het.<\/p>\n

\n\t\t\t