![\"\"](\"https:\/\/mobserver.co.za\/wp-content\/uploads\/sites\/92\/2019\/04\/J5-2Apr19-2-Copy-520x400.jpg\")
<\/p>\nTrevor Roberts (41) was Vrydag, 22 Maart, in \u2019n ongeluk naby die Duvha Kragstasie betrokke toe sy bakkie se wiel gebars en die bakkie teen \u2019n boom gebots het. Mnr. Roberts was op pad terug van Johannesburg na Middelburg toe die ongeluk gebeur het. Hy werk as motorbestuurder en karweier vir Henred-Freuehalf.<\/p>\n
Mnr. Roberts is eers in die Kosmoshospitaal opgeneem en van daar per helikopter na Milparkhospitaal in Johannesburg oorgeplaas. Daar het dokters aan sy familie ges\u00ea dat hy sy vyfde nekwerwel gebreek het en dat hy van sy middellyf af ondertoe verlam is. Mnr. Roberts se longe het ook na die ongeluk plat geval en hy haal tans steeds met behulp van masjiene asem.<\/p>\n
Hy is sedert die ongeluk in \u2019n mediese koma gehou waarvan hy nou stadig maar seker wakker gemaak word.<\/p>\n
\u201cAs jy praat maak hy sy o\u00eb oop, maar hy is nog baie swak. Hy weet nog nie dat hy verlam is nie,\u201d vertel sy ma wat probeer om weekliks van Middelburg na Johannesburg te reis om hom te besoek.<\/p>\n
<\/p>\n
Dokters kan ook nie aan die familie enige aanduiding gee oor wanneer mnr. Roberts uit die hospitaal ontslaan sal word nie. Hy sal na sy ontslag eers na \u2019n rehabilitasiesentrum moet gaan.<\/p>\n
\u201cTrevor is \u2019n groot man, nie vet nie, net fisies groot. Die verpleegster in die hospitaal het ges\u00ea hy sal vinnig herstel omdat hy so groot en sterk is, toe kry Trevor so effense glimlag op sy gesig, so hy hoor ons,\u201d vertel mev. Herbst.<\/p>\n
Mnr. Roberts se vorige vrou is \u2019n paar jaar gelede oorlede. Hy het twee seuns by haar.<\/p>\n
Sy vrou, Suzette, sien tans om na sy twee seuns sowel as haar eie twee kinders. Sy beskik nie oor haar eie vervoer nie en is afhanklik van weldoeners.<\/p>\n
Lees ook:\u00a0Broer in eindstryd \u2013 JP veg om weer te kan loop<\/a><\/strong><\/p>\n \u201cOns moet net alles uitsorteer. Alles moet tog net uitwerk,\u201d s\u00ea \u2019n duidelik angstige Caroline Herbst, Trevor se ma wat in Durban woon, terwyl sy oor haar seun se ongeluk en die pad vorentoe praat.<\/p>\n \u201cDie lewe moet aangaan. Ek moet net eers probeer om almal hier reg te kry,\u201d s\u00ea mev. Herbst.<\/p>\n Sy s\u00ea dat hulle graag almal wat hulle tot dusver ondersteun het wil bedank. \u201cVan die mediese personeel tot sy kollegas en die mense van Solid Ground wat so vir Trevor bid.\u201d<\/p>\n \u2022 Mnr. Roberts se ouma, Alet Herbst, is in Oktober verlede jaar in \u2019n motorongeluk oorlede toe \u2019n ander motor van voor af met haar motor gebots het op die Loskopdampad net na die Proteastraat verkeerslig.<\/p>\n Mev. Herbst s\u00ea dat sy seker is haar seun het \u2019n voorgevoel gehad omdat hy kort voor sy ongeluk by sy oupa op die plaas gaan kuier het en vreeslik gehuil het oor sy ouma se dood.<\/p>\n <\/p>\n <\/p>\n <\/p>\n <\/p>\n <\/p>\n <\/p>\n Nuwe tierbaba by Mbidi<\/a><\/strong><\/p>\n Video: Opruimingswerk begin na drie damwalle breek weens wolkbreuk<\/a><\/strong><\/p>\n Annica van Staden slagoffers verloor duisende<\/a><\/strong><\/p>\n VIDEO: Seekoei kuier op Elandslaagte<\/a><\/strong><\/p>\n Stoor ons bystand nommer\u00a0(072 248 3855) en stuur ons \u2018n Whatsapp boodskap met die woorde \u201cAdd me\u201d om deel te word van ons uitsaailys.<\/p>\n \u201cLike\u201d ons op\u00a0Facebook<\/a>, of volg ons op\u00a0Twitter<\/a>\u00a0en\u00a0Instagram<\/a>.<\/p>\n Volg ons\u00a0YouTube<\/a>\u00a0kanaal.<\/p>\nLees ook:<\/h3>\n
<\/h3>\n
Soek jy nuus op \u2019n drafstap?<\/h3>\n