![\"\"](\"https:\/\/mobserver.co.za\/wp-content\/uploads\/sites\/92\/2019\/03\/Venter-2-Copy-520x400.jpg\")
<\/p>\nByges\u00ea, hulle was twee vrouens, maar hulle terg so ewe of ek nie bang is hulle ontvoer my nie.<\/p>\n
So ploeter ek en die twee op grondpaaie en agterpaaie deur, want hulle wil my \u201ciets\u201d wys.
\nTwee groot persoonlikhede, maar piepklein harte.<\/p>\n
Dit was per toeval, dat L\u00fanette en Natasha van die egpaar gehoor het. En al ken hulle ook maar net mekaar se name, het die twee dit op hulle self geneem om die paartjie te help.<\/p>\n
L\u00fanette Symington, wat maar \u2019n paar maande op Middelburg is, het deur ‘n Facebookveldtog, mense sover as Pretoria en Groblersdal betrek, om die Venter paartjie te help.<\/p>\n
Ver van die samelewing af, sonder krag of water, het Petrus en Alida Venter ‘n tuiste probeer maak in die stoorkamer van ‘n plaasskuur. Hulle het geen lopende water, badkamergeriewe, of selfs ‘n kombuis nie. En op ‘n belaglike R200 tot R300, so elke vier maande, moet die twee oorleef. Petrus werk op die plaas, wat behoort aan ‘n man wat in Tzaneen woon. Daar is geen kontrak opgetrek nie, en Petrus doen maar los werkies hier en daar.<\/p>\n
<\/p>\n
Toe L\u00fanette en Natasha hoor van die haglike omstandighede waarin die Venters bly, het hulle besluit om noodsaaklikes soos kos en klere bymekaar te maak. In ‘n kwessie van dae, het L\u00fanette mense oor die land gekry wat aanbied om te help.<\/p>\n
So verdwaal die drie van ons, totdat ons by die Venters se woonplek kom, om kos af te laai.<\/p>\n
Hulle vertel hartverskeurend hoe Petrus agt kilometer ver moet stap om water te gaan haal, en hoe bitter graag hulle net ‘n ander werk vir hom wil re\u00ebl.<\/p>\n
Petrus is ‘n nutsman, wat ervaring het in basiese meganiese werk, bouwerk en opsigterwerk. Hy het ‘n ligsinnige streek in hom, en lag en skerts al die pad.<\/p>\n
Ten spyte van hulle swaarkry, glimlag altwee breed en verwelkom ons met warmte. Hulle het verslae dankie ges\u00ea, soos die kospakke afgelaai word.<\/p>\n
Die Middelburg gemeenskap word gevra om donasies van kos, klere en toiletware te maak.<\/p>\n
As enigiemand sou wou bydra of weet van werk vir die paartjie, kan hulle L\u00fanette kontak by 082 305 5108 of vir Petrus by 076 769 6748.<\/p>\n