Mense delf diep in myne om diamante te kry.<\/p>\n
Ons kry hulle in briefies, somtyds stap hulle by die kantoor in, ander kere ontdek ons hulle op verstommende maniere.<\/p>\n
Vanjaar het\u00a0www.mobserver.co.za<\/b>\u00a0se Ouboet, die\u00a0Middelburg Observer<\/i>, \u2019n rubriek begin met die titel Young Voice\/Jong Stem.<\/p>\n
Die jong stemme stel nie teleur nie.<\/p>\n
Hulle skryf aktueel, vermy rassisme en politiek, raak hartsnare aan.
\nWoensdag stuur \u2019n jong stem sy rubriek aan wat met die w\u00eareld gedeel moet word.
\nSy naam is Lebo Ndlovu, \u2019n matrikulant by Ho\u00ebrskool Middelburg.
\n<\/b><\/p>\n
Hy skryf:<\/b><\/p>\n
\u201cKom ons bind mekaar met woorde, met die brug en die gom van ons mooi tale, ook die brug en gom van Afrikaans.
\nKom ons maak Afrikaans \u2019n taal van versoening, van vrede en van vryheid\u201d \u2013 Mathews Phosa<\/p>\n
Hierdie woorde begroet my elke dag in die Afrikaanse klas \u2013 my juffrou het dit kunstig voor op die muur geverf. Na \u2019n jaar het Mathews Phosa se woorde soos mos op my begin groei. Dit herinner my aan Laurika Rauch se liedjie waarin sy sing van haar hartsmense wat soos \u2019n moskombersie op haar groei. In my geval, is dit Afrikaans wat onder my vel ingekruip het.<\/p>\n
My naam is Lebo Ndlovu. As negejarige seuntjie het ek \u2019n tuiste gevind in Kosmos-kinderhuis in Kriel. Ek was nie wees nie, maar my ma was \u2019n enkelouer en kon weens haar siekte nie meer vir my sorg nie. Dit is hier by die kinderhuis waar my pad gekruis het met Kiewiet \u2013 my boesemvriend wat my geleer het om Afrikaans te praat en om my hart vir die Here te gee.<\/p>\n
As tjokkertjie het ek met Kiewiet se Afrikaanse Bybel gesit en hy het weer uit my Zoeloe-Bybel, wat ek by die kinderhuis gekry het, probeer lees. Saam met Kiewiet het ek vir die eerste keer geleer om oopbek vir die lewe te lag \u2013 iets wat ek tot op daardie stadium nie kon doen nie, weens my ongunstige huislike omstandighede.<\/p>\n
In 2011 word ek \u2019n Middelburger toe ek deel word van Care Village se kinderhuisfamilie. Tot nou toe het ek gedink dat my ma my weggegooi het. Maar soos ek ouer geword het, het ek na rede begin soek. Ek het besef dat ek my ma nooit sien lag het nie en al wat ek van haar kan onthou is die seer in haar o\u00eb en die kneusplekke op haar lyf.<\/p>\n
Ek het vrede gevind in die wete dat alles met \u2019n rede gebeur. By my ma sou ek nooit in my geloof in Jesus Christus kon groei nie. Nou het die lewe vir my die geleentheid gegee om my hart vir die Here te gee. Ek lag altyd, want ek glo dat God in my leef en dat Hy elke probleem saam met my sal hanteer.<\/p>\n
My lewe in die kinderhuis het my geleer dat ek oor niks bekommerd hoef te wees nie en met \u2019n dankbare hart moet bid vir alles wat ek het. Nog \u2019n kosbare les wat ek hier geleer het, is dat geld niks is nie, maar dat tyd kosbaar is.<\/p>\n
As \u2019n matrikulant van Ho\u00ebrskool Middelburg is my boodskap dat Afrikaans onder my vel ingekruip het, want dit het my na God toe gebring. Mathews Phosa se woorde waarna ek elke dag in die Afrikaanse klas kyk, het volle betekenis in my lewe gekry. Hier by Ho\u00ebrskool Middelburg is dit \u2019n taal van versoening, waar ons leerders oor kultuurgrense heen mekaar respekteer.<\/p>\n
In my persoonlike lewe het dit vrede gebring oor my verlede en ek het die vermo\u00eb om \u2019n glimlag op ander mense se gesigte te los, omdat ek werklik vry is.
\nRefentse som my gevoel oor Afrikaans op met die woorde: \u201cEk is \u2019n groot aanhanger van Afrikaans, want daarsonder weet ek nie wie ek is nie.\u201d<\/p>\n
<\/p>\n
<\/p>\n
<\/p>\n
<\/p>\n
Nuwe tierbaba by Mbidi<\/a><\/strong><\/p>\n Video: Opruimingswerk begin na drie damwalle breek weens wolkbreuk<\/a><\/strong><\/p>\n Annica van Staden slagoffers verloor duisende<\/a><\/strong><\/p>\n VIDEO: Seekoei kuier op Elandslaagte<\/a><\/strong><\/p>\n Stoor ons bystand nommer\u00a0(072 248 3855) en stuur ons \u2018n Whatsapp boodskap met die woorde \u201cAdd me\u201d om deel te word van ons uitsaailys.<\/p>\n \u201cLike\u201d ons op\u00a0Facebook<\/a>, of volg ons op\u00a0Twitter<\/a>\u00a0en\u00a0Instagram<\/a>.<\/p>\n Volg ons\u00a0YouTube<\/a>\u00a0kanaal.<\/p>\n<\/h3>\n
Soek jy nuus op \u2019n drafstap?<\/h3>\n