{"id":84869,"date":"2018-09-17T00:00:00","date_gmt":"2018-09-16T22:00:00","guid":{"rendered":"https:\/\/mobserver.co.za\/84869\/rowers-steeds-op-vrye-voet-2\/"},"modified":"2018-09-17T13:25:02","modified_gmt":"2018-09-17T11:25:02","slug":"rowers-steeds-op-vrye-voet-2","status":"publish","type":"post","link":"https:\/\/develop.citizen.co.za\/middelburg-observer\/news-headlines\/2018\/09\/17\/rowers-steeds-op-vrye-voet-2\/","title":{"rendered":"Rowers steeds op vrye voet"},"content":{"rendered":"

Di\u00e9 voorval het op 21 Julie omstreeks 08:30 plaasgevind. Die winkel se personeel is van hul selfone beroof en R2 000 kontant.<\/p>\n

Voor di\u00e9 rooftog het die Vallei en omliggende areas onder talle ander besigheidrowe deurgeloop. Skermskote van videomateriaal waar die verdagtes van di\u00e9 besigheidsrowe duidelik gesien kan word, is uiteindelik beskikbaar gestel.<\/p>\n

Die polisie se provinsiale mediakantoor het Donderdag di\u00e9 foto\u2019s uitgestuur. Daar is gevra vir inligting wat kan lei tot die arrestasie van 22 verdagtes wat verbind kan word met talle rooftogte by besighede in die provinsie.<\/p>\n

Lees ook: Four armed robberies in one week<\/a><\/strong><\/p>\n

Die polisiewoordvoerder van Limpopo, Lt. Kol. Moatshe Ngoepe, het ges\u00ea die polisie benodig hulp om die persone in CCTV beelmateriaal te identifiseer.<\/p>\n

\u201cOns vra die gemeenskap om ons te help met die ondersoek om hulle vas te trek,\u201d het Ngoepe ges\u00ea.<\/p>\n

Verskeie besighede in Dennilton<\/a>, Groblersdal<\/a>, Giyani<\/a>, Northam<\/a> en Morone is klaarblyklik deur die groep beroof.<\/p>\n

11 Julie:<\/strong> In Dennilton buite Groblersdal<\/a> het drie onbekende gewapende mans met blou werksklere en balaklawas om 09:45 by \u2019n winkel by Moutse Mall ingestorm.<\/p>\n

Die verdagtes het die eienaar en sy familie met vuurwapens gedreig. Daarna het hulle kontant en lugtyd gesteel. Die verdagtes het verskeie skote buite die winkel afgevuur, voordat hulle van die toneel gevlug het.<\/p>\n

Lees ook: Armed robbery at Auctioneers<\/a><\/strong><\/p>\n

21 Julie:<\/strong> Om 08:30 het drie rowers Total Sports Groblersdal<\/a> geteiken en die werknemers met vuurwapens gedreig. Hulle het die kluis oopgemaak en kontant en 30 selfone geroof. Die groep het gevlug in \u2019n voertuig met die registrasienommer CTF537MP.<\/p>\n

2 Augustus 2017:<\/strong> Tydens \u2019n rooftog om 11:30 by Markhams in Giyani, het die vier rowers die winkel ingestorm en die personeel in die stoorkamer aangehou. Die kluis is oopforseer, \u2019n onbepaalde hoeveelheid kontant en 220 selfone ter waarde van R100 000 is gesteel.<\/p>\n

6 Julie:<\/strong>\u00a0By Total Sports in Northam<\/a> het drie rowers die winkel binngegaan en selfone ter waarde van R64 000 geroof.<\/p>\n

13 September 2017:<\/strong> Twee rowers het ook omstreeks 12:40 Edgars in Northam<\/a> geteiken. \u2019n Werknemer is beveel om die kluis oop te maak en die verdagtes het met selfone ter waarde van R700 000 gevlug.<\/p>\n

Lees ook: Suspects might be linked to seven other robberies<\/a><\/strong><\/p>\n

\u2022Tydens nog \u2019n besigheidsroof by John Craig in Northam<\/a>, het drie gewapende mans die besigheid binnegegaan en selfone en \u2019n onbekende bedrag kontant geroof. Een van die slagoffers het vertel dat sy by die Northam Mall aan diens was toe \u2019n rower voorgegee het om \u2019n kli\u00ebnt te wees.<\/p>\n

Hy was in besit van \u2019n vuurwapen en het haar opdrag gegee om die kluis oop te maak. Hy het 36 selfone en 25 tablette ter waarde van R556 300 gevat en van die toneel gevlug.<\/p>\n

5 April:<\/strong>\u00a0Om 14:35 het drie rowers die John Craigh klerewinkel in Morone geteiken. Die personeel is beveel om selfone in \u2019n sak te laai, waarna die verdagtes vanaf die toneel gevlug het met die selfone en \u2019n onbekende bedrag kontant.<\/p>\n

10 Oktober 2017:<\/strong> Tydens nog \u2019n besigheidsroof by Morone Markhams het drie rowers die personeel van die winkel na die stoorkamer geneem en hul gedwing om die kluis oop te maak.<\/p>\n

\u2019n Onbekende bedrag kontant en 101 nuwe selfone ter waarde van R55 000 is by die winkel geroof.<\/p>\n

Volgens die polisie word besighede gewoonlik deur twee tot vier gewapende rowers geteiken, waarna die personeel gedreig word om die kluis oop te sluit sodat kontant en selfone gesteel kan word.<\/p>\n

Persone met inligting wat kan lei tot die arrestasie van enige van di\u00e9 verdagtes kan kapt. Richard Boshomane by 079 894 5501 kontak of die naaste polisiestasie.<\/p>\n

\u2022Lt. kol. Ngoepe het ges\u00ea dat daar nog geen arrestasies was op enige van die besigheidsrowe nie.<\/p>\n