{"id":7839,"date":"2014-03-27T11:56:51","date_gmt":"2014-03-27T09:56:51","guid":{"rendered":"http:\/\/mobserver.co.za\/?p=7839"},"modified":"2014-03-28T09:11:25","modified_gmt":"2014-03-28T07:11:25","slug":"erfenisdag","status":"publish","type":"post","link":"https:\/\/develop.citizen.co.za\/middelburg-observer\/news-headlines\/2014\/03\/27\/erfenisdag\/","title":{"rendered":"VIDEO: Selfs die duiwe het stil geword…"},"content":{"rendered":"

In ‘n swart perdekarretjie was ‘n wit kissie, simbolies van ‘n kindjie wat in die konsentrasiekamp gesterf het.<\/p>\n

“Net die Vader in die hemel sal weet hoeveel trane van ons moeders, broers en susters die aarde in hierdie kampkerkhof benat het”.<\/p>\n

Tydens Vrydag se seremonie, wat die verf van kindergraffies in Kanonkop voorafgegaan het, het Marita Hattingh, wat die rol van ‘n ma gespeel het, die trane swaar weggesluk toe sy ‘n ruiker na die wit kissie moes dra.<\/p>\n

\"John-Roe<\/a>
John-Roe Coetzee en sy sussie, Christilize, van Laerskool Dennesig, het Vrydag gehelp verf. By hulle is ‘n kennisgewingbord wat in drie tale aangebring is.<\/figcaption><\/figure>\n

In ‘n ry was ongeverfde kindergraffies stille getuienis van hierdie dag se onthou.<\/p>\n

Met die verskroeide aarde beleid in 1900 was dit sekerlik heel anders.<\/p>\n

Mens kan jou indink die rou snikke wat oor die grasvlaktes weerklink het waar Kanonkop nou is. Ma’s wat dag na dag by ‘n oop graf moes staan.<\/p>\n

Dikwels was die geel varkore, waar Steelcrest High School gele\u00eb is, die enigste blommetjie om op ‘n graffie te sit.<\/p>\n

Die ergste taak was seker die van grafgrawers – ‘n span mans wie se werk dit was om die gate te grawe.<\/p>\n

Sien video:<\/p>\n

\n\t\t\t