Mnr. Arthur Roden slangvanger van NSARRU is Vrydag per stond deur Master Wheels geskakel om te kom help.<\/p>\n
Een van hul drywers het met sy aankoms paniekerig vertel dat hy met die slang van Letsitele in die enjin moes terugry Groblersdal toe.<\/p>\n
Die drywer wou by hul werkswinkel kyk of die voertuig se olievlak nog reg is, toe hy die slang opmerk. Hy het so geskrik dat hy dadelik die enjinklap toegemaak en terug gery het Groblersdal toe, sonder om na die olie te kyk.<\/p>\n
Die slang is beskryf as groen en die drywer is aanges\u00ea om w\u00e9\u00e9r, van Groblersdal na Marble Hall te ry, sodat mnr. Roden die slang kon verwyder. Hy was bang dat dit dalk \u2019n groenmamba kon wees.<\/p>\n
\u201cDie slang het \u2019n saamry geleentheid van ongeveer 290 km ver gekry,\u201d vertel mnr. Roden.<\/p>\n
Met die drywer se aankoms in Marble Hall het mnr. Roden dit dadelik uitgeken as \u2019n boomslang.<\/p>\n
\u201cBoomslangmannetjies is groen, en die wyfie is bruin van kleur, baie mannetjies word verwar met \u2019n groenmamba, maar sover my kennis strek kom groenmambas glad nie in Limpopo voor nie, net in KwaZulu-Natal,\u201d s\u00ea mnr. Roden.<\/p>\n
Hy het die boomslang by die Olifantsrivier naby die Schuinsdraai Natuurreservaat vrygelaat.<\/p>\n
![\"\"](\"https:\/\/dwu32cgxelq1c.cloudfront.net\/local_newspapers\/sites\/92\/2017\/08\/DIMG-20170728-WA003_94281-270x203.jpg\")
<\/a>\n\t\t\t<\/div>\n\t\t\t\t