{"id":61381,"date":"2016-12-25T06:42:14","date_gmt":"2016-12-25T04:42:14","guid":{"rendered":"http:\/\/mobserver.co.za\/?p=61381"},"modified":"2017-01-04T08:42:12","modified_gmt":"2017-01-04T06:42:12","slug":"kleine-jannes-n-vegtertjie-met-hartoperasie-wat-wag","status":"publish","type":"post","link":"https:\/\/develop.citizen.co.za\/middelburg-observer\/news-headlines\/2016\/12\/25\/kleine-jannes-n-vegtertjie-met-hartoperasie-wat-wag\/","title":{"rendered":"Kleine Jannes, \u2019n vegtertjie met hartoperasie wat wag"},"content":{"rendered":"

Jannes Marius Prinsloo was in sy lewe amper meer in die hospitaal as by die huis.<\/p>\n

Sy ouers, Lu-Mari en Tobie, stap sedert sy geboorte (12 Julie 2015) in die Middelburg Hospitaal, \u2019n harde pad saam met hul vriendelike seuntjie. Hulle s\u00ea hulle doen dit egter met die grootste liefde.<\/p>\n

Die knapie het met sy geboorte al blou geword en moes dadelik op suurstof geplaas word. Sy duimpies het ook abnormaal gelyk.<\/p>\n

\u201cSy linkerduim was net met \u2019n velletjie vas aan sy handjie en sy regterduim het half afwaarts gegroei.<\/p>\n

\u201cDie susters het aan ons genoem al wat hulle kan doen is om die linker duimpie te bind sodat hy afval. Ons het daarop geantwoord dat hulle sy duim moet los, ons wou eers kyk of \u2019n privaat dokter ons nie dalk kon help nie,\u201d vertel me. Prinsloo.<\/p>\n

Vele skokke het nog op hulle gewag.<\/p>\n

Jannes se anus was te klein (so groot soos \u2019n vuurhoutjiekop) en is dit in November 2015 tydens \u2019n noodoperasie herstel.<\/p>\n

Die dokters wat met hom gewerk het by die Steve Biko Hospitaal het Jannes se hande en anus gesien en hulle dadelik gestuur vir verdere toetse.<\/p>\n

\u2019n Sonar het gewys dat Jannes twee gate in sy hart het.<\/p>\n

\u201cOns was op daardie stadium hartseer, bang en kwaad, want \u2019n ander dokter het ges\u00ea Jannes se hart is 100%!\u201d<\/p>\n

Hy is dadelik op hartmedikasie gesit en het verskeie besoeke aan chirurge en kardiolo\u00eb gevolg.<\/p>\n

Hulle het ook \u2019n ortopeed gaan sien oor hul seuntjie se duime.<\/p>\n

Dit was nie goeie nuus nie, want daar kon niks gedoen word aan sy linkerduim nie, omdat daar nie been, weefsel of spiere was nie.<\/p>\n

\u201cOns het hulle gevra of hulle maar die linkerduimpie vir ons kan afsit, want hy het begin trek aan sy duimpie en ons was bang hy maak homself seer.\u201d<\/p>\n

Die duim is in April 2016 afgesit. \u201cDit was \u2019n baie vinnige teatersessie, want dit was eintlik net die velletjie sny en twee steke insit. Hy is so vier ure nadat hy uit die teater uit gekom het ontslaan.\u201d<\/p>\n

Op sy eerste verjaardag was hulle alweer oppad hospitaal toe. Di\u00e9 keer moes \u2019n kardiologiese katerisasie gedoen word.<\/p>\n

Hy het egter siek geword en moes dit uitgestel word omdat hy \u2019n erge bakteriese infeksie in sy longe gekry het.<\/p>\n

Tydens die katerisasie in Augustus 2016 het die spesialiste gevind dat die gate in sy hart groter is as wat hulle gedink het en dat hy \u2019n hartoperasie sal moet ondergaan.<\/p>\n