{"id":59065,"date":"2016-11-01T15:50:00","date_gmt":"2016-11-01T13:50:00","guid":{"rendered":"http:\/\/echonews.sites.caxton.co.za\/59065\/so-lyk-mooi-jong-mense-wat-deur-dwelmdraak-vernietig-is\/"},"modified":"2016-11-02T09:26:34","modified_gmt":"2016-11-02T07:26:34","slug":"so-lyk-mooi-jong-mense-wat-deur-dwelmdraak-vernietig-is","status":"publish","type":"post","link":"https:\/\/develop.citizen.co.za\/middelburg-observer\/news-headlines\/2016\/11\/01\/so-lyk-mooi-jong-mense-wat-deur-dwelmdraak-vernietig-is\/","title":{"rendered":"So lyk mooi jong mense wat deur dwelmdraak vernietig is"},"content":{"rendered":"

JP Gouws se maer en uitgeteerde lyf is leweloos op \u2019n sypaadjie gevind, om hom was \u2019n plas bloed. Hy is die derde jong man wat in die openbaar dood is as gevolg van dwelms.<\/p>\n

JP is voor sy dood aangerand en het ook van \u2019n bakkie afgeval.<\/p>\n

\u2022Edmund Doubell is in Maart in \u2019n badkamer by die Middelburg Mall gekry. Dit is later bevestig dat hy aan \u2019n dwelmoordosis gesterf het.<\/p>\n

\u2022Shaun Saunders is \u2019n paar maande later, in Julie, in \u2019n toilethokkie in die Oaks Sentrum in die middedorp gevind. Ook hy is aan \u2019n oordosis dood.<\/p>\n

Al drie jong mans was verslaaf aan hero\u00efne. Hul liggame is soos rommel opgetel, op \u2019n publieke badkamervloer, op \u2019n sypaadjie, vir die w\u00eareld om te sien, en tien teen een verby \u2019n dwelmhandelaar of twee gedra.<\/p>\n

Die polisie se dwelmarrestasies, wat amper lagwekkend sou wees as die gevolge daarvan nie so tragies was nie, bestaan meestal uit besit van dagga.<\/p>\n

Een van die beskuldigdes getuig in die hof hoe hy voor die handelaar gearresteer word kort nadat die transaksie voltooi is. Die handelaar stap weg en hy gaan sit alleen in die tronk. Net om later skuld te erken en met \u2019n R300 boete oor die vingers getik te word. Dit betaal nie eers die elektrisiteit wat nodig is om sy saak te prossesseer nie.<\/p>\n

Buiten vir die drie gevalle hierdie jaar, is daar oor die jare \u2019n ewiggroeiende lys van jongmense wat hul laaste asems uitblaas as gevolg van die dwelmhel waarin hulle vasgevang is.<\/p>\n