{"id":58029,"date":"2016-10-12T06:00:00","date_gmt":"2016-10-12T04:00:00","guid":{"rendered":"http:\/\/echonews.sites.caxton.co.za\/58029\/sestien-jaar-vir-moordenaars\/"},"modified":"2016-10-11T14:37:15","modified_gmt":"2016-10-11T12:37:15","slug":"sestien-jaar-vir-moordenaars","status":"publish","type":"post","link":"https:\/\/develop.citizen.co.za\/middelburg-observer\/news-headlines\/2016\/10\/12\/sestien-jaar-vir-moordenaars\/","title":{"rendered":"Sestien jaar vir moordenaars"},"content":{"rendered":"

Marcus Mmadi en Saul Mavimbela het mnr. Walkinshaw doodgeskiet, kort nadat hy sy besigheid gesluit het en op pad na sy kar toe was. Regter Makune het ges\u00ea die feit dat Mmadi, wat die vuurwapen gehad het, hom eers mis geskiet het en toe met die tweede skoot getref het, daarop dui dat hy nie vertroud met \u2019n vuurwapen is nie.<\/p>\n

Regter Makune het ook bevind dat Mmadi se oproep aan sy susterskind, waarin hy ges\u00ea het dat hulle \u201c\u2019n witman\u201d doodgeskiet het, daarop dui dat hy nie \u2019n geharde krimineel was nie, omdat so iemand bloot sou stilbly oor sy misdryf.<\/p>\n

Daar is ook bevind dat Mavimbela onder die invloed van Mmadi opgetree het toe die misdade gepleeg is. Ten spyte daarvan is Mavimbela nie \u2019n ligter vonnis as Mmadi opgel\u00ea nie. Die afwesigheid van enige teken van berou is nie as faktor in ag geneem nie.<\/p>\n

Adjudant offisier Leon van den Berg, wat die ondersoekbeampte in die saak was, is deur regter Makune geloof vir sy speurwerk. Regter Makune s\u00ea dat as dit nie vir a.o. Van den Berg was nie, die skuldiges heel moontlik nooit aan die pen sou ry nie.<\/p>\n

Moord met gemene doel het \u2019n minimum voorgeskrewe vonnis van lewenslange tronkstraf (25 jaar) waartydens daar gewoonlik nie vir parool aansoek gedoen mag word nie. Met die afwyking van die minimum vonnis, beteken dit dat beide moordenaars agt jaar van hul tronkstraf sal moet uitdien waarna hulle in ag geneem kan word vir parool, mits hulle hulself goed gedra en al die voorgeskrewe korrektiewe programme voltooi het.<\/p>\n