Maar weet hulle watter ryk geskiedenis die 1127 lokomotief het? Julieo, ons dorp se eie lokomotief, het \u2019n ryk geskiedenis wat deur die jare selfs deur nasionale koerante gestoom het.<\/p>\n
Uit ou berigte wat Johan Janse van Rensburg beskikbaar gestel het aan www.mobserver.co.za, word \u2019n mens herinner aan \u2019n verhaal wat eintlik in \u2019n boek tuishoort.<\/p>\n
Op 21 Augustus 1984 is Klas 8A, 1127 amptelik staan gemaak op die klein spoortjie langs die Snow Cruywagen biblioteek.<\/p>\n
Maar waar kom die trein vandaan en wat is die storie agter die storie van hierdie ou werkesel?<\/p>\n
In Augustus 1984 skryf Julie van Rensburg, oud Middelburg Observer joernalis \u2019n berig vir SA Rail waarin sy vertel oor die spore wat ou \u2018Eleven Twenty Seven\u2019 agter gelaat het.<\/p>\n
En uit haar storie en Johan se verhale oor die lokomotief, is hierdie geskiedenisstuk saamgestel….<\/p>\n
1127 se geskiedenis:<\/p>\n
Die lokomotief is in 1901 deur Nielsen Reid en Co en Sharp, Stewart en Co gebou vir die bedrag van \u00a33865 (R7 720). Die lokomotief was een van 39 wat in daardie tyd gebou is.<\/p>\n
Die trein is dadelik in gebruik geneem deur die IMR (Imperial Military Railways), aangesien die Anglo Boere Oorlog nog aan die gang was.<\/p>\n
Na die oorlog is die treine oorgeplaas na die destydse Central South African Railways.<\/p>\n
Volgens Julie se artikel is daar nie baie inligting beskikbaar oor ou 1127 nie, maar het die lokomotief beslis vir meer as 30 jaar werk gedoen op die lyne tussen Middelburg en Stoffberg.<\/p>\n
Meer inligting oor 1127 is vanaf 1958 aangeteken en is die lokomotief na Uitenhage in 1959 vir restourasiewerk.<\/p>\n
Haar volgende stop was Beaconsfield waar sy tussen di\u00e9 dorp, Vryburg en Mafikeng diens gedoen het.<\/p>\n
In 1972 \u201ctree 1127 af\u201d en word vir die Middelburg Munisipaliteit geskenk.<\/p>\n
Probleme het ontstaan oor waar die historiese stomer haar laaste staanplek sou kry.<\/p>\n
Die plan was aanvanklik om haar, haar naam is mos Julieo, by die stasie staan te maak vir toeriste, maar Middelburg was nie meer \u2019n hoofroete nie en toeriste sou nie spesiaal daar aandoen net vir \u2019n stroomtrein langs die spore nie.<\/p>\n
Daar is uiteindelik besluit om die lokomotief langs die munisipale gebou te laat staan en dit is goedgekeur deur die Spoorwe\u00eb.<\/p>\n
1127 het op daardie stadium al vir jare op \u2019n buitespoor by die goedere-werf langs die spoorlyn gestaan.<\/p>\n
Totdat alles gefinaliseer sou word, is besluit om die lokomotief tydelik oor te plaas na Witbank (nou eMalahleni).<\/p>\n
Dis hier waar Julie die lokomotief die eerste keer in 1983 raakgesien het.<\/p>\n
Op 21 Augustus 1984 is die loko staan gemaak langs die munispale geboue in Middelburg nadat hordes spoorwegwerkers \u2019n tydelike lyn gebou het vanaf die hooflyn tot by die gebou.<\/p>\n
Julie, wat al lankal halsoorkop verlief was op die ou stoomenjin, het egter gesien hoe die elemente die trein verder verniel.<\/p>\n
In 1985 pak sy \u2019n projek aan waar sy eiehandig die lokomotief afgeskuur en oorgeverf het. Middelburg Observer redakteur Tobie van den Bergh onthou hoe \u201csy wydsbeen naweek vir naweek oor die lokomotief gesit en haar afgeskuur het.\u201d<\/p>\n
Na Julie se harde werk, word 1127 gedoop as Julieo, (haar naam en die O vir Observer, omdat sy by die koerant gewerk het.)<\/p>\n
Die oomblik toe Julie verhuis was Julieo se fut binne \u2019n paar jaar geblus en het die wind en weer die lokomotief in \u2019n bejammerenswaardige geroeste stuk seeroog langs die munisipaliteit geword.<\/p>\n
Die munisipaliteit besluit om die lokomotief te laat opsny en dit vir skrootmetaal te verkoop.<\/p>\n
Mnr. George Lowe steek egter \u2019n stokkie daarvoor en s\u00ea hy sal die trein in stand hou. Die trein word aan hom oorgeteken om te onderhou, maar etlike maande later sterf hy.<\/p>\n
In 2009 doen me. Anna-Mart Ott (Kamer van Koophandel) \u2019n dringende beroep op die gemeenskap om in te gryp, aangesien die lokomotief geweldig verval het.<\/p>\n