\u201cDit is dieselfde bl&$sems! Hulle het te mak geword en hulle vasgeloop in die Valke! Die Valke het goeie werk gedoen!\u201d het mnr. Oubaas de Jager (eienaar van ACSU, Ermelo) pas ges\u00ea.<\/p>\n
Twee lede van die Gautengse Valke is gewond, een rower doodgeskiet en agt rowers is gearresteer na die skietery Sondag in Kriel.<\/a><\/p>\n \u2019n BMW is gekaap in Gauteng, waarna die voertuig gevolg en die Valke by die huis in die middedorp van Kriel toegeslaan het.<\/p>\n Na die skietery is daar beslag gel\u00ea op verskeie aanvalsgewere, waaronder AK47\u2019s, \u2019n R5, twee R4\u2019s, \u2019n LMG, ammunisie en koe\u00eblvaste baadjies.<\/p>\n Mnr. De Jager glo dit is dieselfde groep wat op 13 Mei sy sekuriteitswag, mnr. Dirk Ackermann, van agter af met \u2019n R5 in die kop doodgeskiet is. Sy ander sekuriteitswag, Bashini Nkosi, is in die maag gewond.<\/p>\n Hy is van mening dat hierdie groep ook verantwoordelik is vir die lang lys misdade by hulle, in die Middelburg en eMalahleni omgewing.<\/p>\n Net soos in die geval van sy sekuriteitswag, het kitsbankrowers met \u2019n R5 losgebrand op mnr. Johan van Rensburg en sy dogter, Am\u00f3r (19) toe hulle op kort na 22:00 op 5 Julie hulp wou gaan verleen nadat die Standard Bank kitsbank opgeblaas is by Kanonkop Spar.<\/p>\n Die patroonpunt het vasgeslaan aan die handvatsel etlike millimeters vanaf Am\u00f3r se kop, waarna klein stukkies skrapnel haar getref het.<\/p>\n \u201cEk wag in spanning vir die uitslae van die ballistiese toetse om te bepaal of dit hulle was! Maar ek is so bly hulle is gevang. Hulle het net te veel keer daarmee weggekom,\u201d is mnr. De Jager se kommentaar.<\/p>\n \u2022 Op 9 Mei word twee Standard Bank kitsbanke opgeblaas by die Midwater Sentrum op Middelburg en word met \u2019n outomatiese aanvalsgeweer op radiogroeplede losgebrand wat in die omgewing is. Gelukkig word niemand raakgeskiet nie. Videomateriaal<\/a> wys dat \u2019n vrou een van die aanvallers is. \u2019n Vrou is Sondag in die huis gekry, waar die Kriel rowers<\/a> geskuil het.<\/p>\n