{"id":50338,"date":"2016-06-07T09:11:00","date_gmt":"2016-06-07T07:11:00","guid":{"rendered":"http:\/\/echonews.sites.caxton.co.za\/50338\/leraars-geniet-die-humor\/"},"modified":"2016-06-07T09:12:04","modified_gmt":"2016-06-07T07:12:04","slug":"leraars-geniet-die-humor","status":"publish","type":"post","link":"https:\/\/develop.citizen.co.za\/middelburg-observer\/news-headlines\/2016\/06\/07\/leraars-geniet-die-humor\/","title":{"rendered":"Leraars geniet die humor"},"content":{"rendered":"

“Die Klaagliedere van Dominee Tienie Benadie” het Donderdagaand ‘n vol ouditorium getrek by die Corpus Christi gemeente.<\/p>\n

Sy ‘preek’ se tema “Wie is ek?” was beslis nie ‘n verklaring uit die teks wat hy uit Klaagliedere geneem het nie, maar eerder ‘n raak beskrywing van die uitdagings wat gemeentes in die hedendaagse lewe het.<\/p>\n

Di\u00e9 eenmanvertoning, wat geskryf is deur Dana Snyman, raak die probleme aan wat so tipies in vele gemeentes is. ‘n Deernisvolle verhaal van verdriet, maar ook van hoop.<\/p>\n

En ons dorp se leraars het beslis nie aanstoot geneem oor van die humoristiese uitbeeldings nie, hulle het eerder ingesien dat daar baie te leer is uit di\u00e9 vertoning.<\/p>\n

\u2022 Pastoor Danie de Kock beskryf die vertoning in \u00e9\u00e9n woord as “awesome!”<\/p>\n

Hy s\u00ea dit is “so relevant in die tyd wat ons leef met sy “Wie is ek?”-tema. Baie mense bepaal hul waarde uit wat hul besit, maar die stuk het mens laat stilstaan en besef waaroor die lewe eintlik gaan.”<\/p>\n

Past. De Kock s\u00ea die vertonig was ‘n goeie uitbeelding van die eise wat die bediening stel. “‘n Mens moet lag in die bediening!”<\/p>\n

\u2022 Ds. Wielie van Wyk s\u00ea laggend dat die beskrywing wat gegee is oor die opleiding van dominees presies uitgebeeld is. Hy het die humor in die stuk ook baie geniet.<\/p>\n

“Ek s\u00ea altyd, die oomblik wanneer die humor ten gronde gaan, gaan alles ten gronde!”<\/p>\n

Hy het egter ook die diepere boodskap raakgesien. “Die boodskap was duidelik. ‘n Mens is soms so besig met jou eie dinge, dat jy nie die nood raaksien nie nie. Frank het hom uitstekend van sy taak gekwyt!”<\/p>\n

\u2022 Past. Renier Pelser se kommentaar oor die vertoning is dat “die skrywer van die stuk goeie huiswerk gedoen het.”<\/p>\n

Hy is van mening dat die realiteit wat in die bediening aangaan, goed uitgebeeld is. “Van die eise wat gestel word aan predikante tot by die boemelaar op die trappe.”<\/p>\n

Hy het ges\u00ea dat daar “‘n fyn lyn van vingerwysing was na kerke in die algemeen en dat kerke buite die mure van hul geboue moet werk.<\/p>\n

“Ek het weereens besef watter groot taak op ons skouers rus. Ons moet seker maak die kerk bestaan nie in mure nie, anders gaan ons nie oorleef nie. Die kerk Sondae moet net ‘n feesviering wees van wat eintlik daar buite aan die gang is.”<\/p>\n

Past. Pelser s\u00ea die stuk het “bepaalde uitdagings aangespreek op ‘n fyn manier. Daar word vir die gemeenskap ges\u00ea: kyk hoe lyk julle, julle kan beter lyk. Dit was soos ‘n spie\u00ebl waarin gekyk word oor hoe van die kerke lyk. Godsdiens is iets gemaak wat uit re\u00ebls, regulasies en tradisies bestaan en eintlik moet dit net gaan oor jou verhouding met die Here.”<\/p>\n