Mnr. Jacques van Niekerk (lid van Zello 911) s\u00ea hy het Maandagmiddag hekmotors reggemaak by \u2019n meenthuiskompleks in Walter Sisulustraat en was omstreeks 16:00 op pad huistoe.<\/p>\n
Naby die Klein Olifantsrivier in John Magagulastraat het hy twee mans by die toiletgeboue langs die rivier opgemerk.<\/p>\n
Hy het gesien dat hulle besig is om met \u2019n koevoet die veiligheidshek en slot probeer breek om toegang tot die gebou te kry. \u201cEk het besef dat hulle besig is om in te breek om na alle waarskynlikheid koperpype te steel.\u201d<\/p>\n
Mnr. Van Niekerk het per radio vir bystand gevra, aangesien hy nie alleen beide sou kon vastrek nie.<\/p>\n
\u2019n Sekuriteitspersoon van Triton Security (wat ook lid is van die groep) was eerste op die toneel en die twee verdagtes is gekonfronteer. Hulle het egter omgespring en in verskillende rigtings begin hardloop.<\/p>\n
Mnr. Van Niekerk s\u00ea een van die verdagtes het hulle ontglip, maar die sekuriteitswag van Triton het die een, wat die koevoet gebruik het, in OR Tambostraat vasgetrek.<\/p>\n
\u2022 Die koevoet is nie gevind nie, want die verdagte het dit iewers langs die pad weggegooi, terwyl hy gevlug het.<\/p>\n
\u2022 Die verdagte, \u2019n 20-jarige inwoner van Somapepa, het nie in die hof verskyn nie, aangesien die saak nie op die rol geplaas is nie.<\/p>\n
Lees nog stories hier:<\/p>\n