{"id":48878,"date":"2016-05-21T06:00:00","date_gmt":"2016-05-21T04:00:00","guid":{"rendered":"http:\/\/echonews.sites.caxton.co.za\/48878\/verbind-met-moord-op-ermelo\/"},"modified":"2016-05-23T15:35:11","modified_gmt":"2016-05-23T13:35:11","slug":"verbind-met-moord-op-ermelo","status":"publish","type":"post","link":"https:\/\/develop.citizen.co.za\/middelburg-observer\/news-headlines\/2016\/05\/21\/verbind-met-moord-op-ermelo\/","title":{"rendered":"Opvolg: Verbind met moord op Ermelo"},"content":{"rendered":"

Mnr. Oubaas de Jager, eienaar van die ACSU (Anti Crime Security Unit) op Ermelo, glo die groep wat \u2019n kitsbank op hul dorp opgeblaas en losgebrand het op sy lede, is dieselfde bende wat twee jong mans van Middelburg Donderdagaand gewond het.<\/p>\n

\u201cDie tydsduur vanaf die skietery op die mans, tot by die aanval op my mense, laat my glo dat dit dieselfde groep is.\u201d<\/p>\n

Marno van Tonder en Hardus Truter (albei 24) is Donderdagaand gewond toe hulle vanaf Middelburg na eMalahleni in Marno se Ford Bantam bakkie gependel het.<\/p>\n

Die twee het by Amazon\u2019s Restaurant gaan eet, waarna hulle besluit het om na Hardus se pa, Gerhard, in eMalahleni te ry.<\/p>\n

Naby die Olifantsrivierbrug het \u2019n wit voertuig hul verbygesteek en die insittendes het vir hulle gewaai. Die volgende oomblik het die skote op die voertuig gere\u00ebn.<\/p>\n

Hardus is met skrapnel in die kop gewond en Marno is deur die sy geskiet. Hy was teen druktyd nog in die intensiewe eenheid van die Life Kosmos Hospitaal. Dokters moes \u2019n deel van sy dik- en dunderm verwyder.<\/p>\n

\u2022 Mnr. De Jager het hierdie week die Observer genader om te vra vir die jong mans se kontakbesonderhede, aangesien daar ook sonder rede net op sy sekuriteitswagte losgebrand is.<\/p>\n

Alhoewel daar met swaar kaliber wapens (R5 of R4 aanvalsgewere) op sy lede geskiet is, glo hy dat die groep beslis ook handwapens by hulle gehad het waarmee hulle op die Middelburg mans geskiet het.<\/p>\n

Omstreeks 01:30 is die Oaks Sentrum in Ermelo geskud deur \u2019n Standard Bank kitsbank wat ontplof het.<\/p>\n

Leees vorige stories hier:<\/p>\n

<\/strong>Opvolg: Skote op voertuig geskiet<\/a><\/p>\n

Nuusflits: Jong man in kop en sy geskiet<\/a><\/p>\n

Exclusive video of ATM Bombings at Midwater centre<\/a><\/p>\n

Standard Bank ATM bombed at Midwater Centre<\/a><\/p>\n

Mnr. De Jager s\u00ea videomateriaal wat hulle later bekom het, wys hoe die groep van Hendrina se kant af die dorp ingery het.<\/p>\n

By die tweede verkeerslig in die dorp, het hulle een van hul makkers afgelaai, wat met \u2019n outomatiese aanvalsgeweer (waarskynlik \u2019n R5) stelling agter \u2019n boom ingeneem het.<\/p>\n

\u201cDie res van die groep het aangery tot by die sentrum, waar twee uitgespring en in die rigting van die kitsbank gehardloop. Een het in die voertuig bly wag. Kort hierna het die kitsbank ontplof.\u201d<\/p>\n

ACSU het die alarmsein ontvang en mnr. Steven Cwaile het eerste gereageer. By die verkeerslig naby die sentrum, het die rower van agter die boom af op sy voertuig losgebrand. \u201cSteven se pet is van sy kop af geskiet en hy moes omdraai en wegjaag. Daar is agt skote op hom gevuur!\u201d<\/p>\n

Net minute later het mnre. Bashin Nkosi (bestuurder van die voertuig) en Dirk Ackermann (passasier) ook na die sentrum gejaag op reaksie van die alarmsein.<\/p>\n