{"id":48535,"date":"2016-05-13T09:00:00","date_gmt":"2016-05-13T07:00:00","guid":{"rendered":"http:\/\/echonews.sites.caxton.co.za\/48535\/jong-mans-in-kop-en-sy-geskiet\/"},"modified":"2016-05-14T17:13:42","modified_gmt":"2016-05-14T15:13:42","slug":"jong-mans-in-kop-en-sy-geskiet","status":"publish","type":"post","link":"https:\/\/develop.citizen.co.za\/middelburg-observer\/news-headlines\/2016\/05\/13\/jong-mans-in-kop-en-sy-geskiet\/","title":{"rendered":"Nuusflits: Jong man in kop en sy geskiet"},"content":{"rendered":"

\u201cMy foon het gelui, maar Hardus het nie gepraat nie. Die volgende oomblik het ek die skote hoor klap!\u201d het \u2019n geskokte mnr. Gerhard Truter vroeg vanoggend (13 Mei 2016) ges\u00ea.<\/p>\n

Hy s\u00ea die twee jong mans, sy seun, Hardus (24), en sy vriend, Marno van Tonder (24), het gisteraand (Donderdag) gou iets by Amazon\u2019s Restaurant in Middelburg ge\u00ebet.<\/p>\n

Nadat hulle klaar ge\u00ebet het, het Hardus besluit om vir die naweek by sy pa in eMalahleni te gaan kuier.<\/p>\n

Hulle het omstreeks 23:00 met Marno se Ford Bantam gery op die ou Middelburg\/eMalahleni pad en lekker gesit en gesels, toe \u2019n wit voertuig hulle verby gesteek het naby die Olifantsrivierbrug.<\/p>\n

Mnr. Truter s\u00ea hulle het vir hom vertel dat die insittendes van die voertuig nog vir hulle gewaai het, maar die volgende oomblik het die skote geklap.<\/p>\n

Mnr. Truter het op dieselfde oomblik die skote hoor klap en was buite homself van bekommernis.<\/p>\n

\u201cMinute later het hulle by die hek gestop. Ek het gewonder waarom hulle nie inry nie. Hardus het aangestap gekom en in my arms inmekaar gesak. Eers toe het ek die bloed aan sy kop gesien! Weet jy hoe voel \u2019n pa as jy sien jou seun is in die kop geskiet!\u201d<\/p>\n

Mnr. Truter het dadelik sy seun ondersoek en die gat in sy voorkop gesien. Marno het ook aangestap gekom en mnr. Truter verseker dat hy niks makeer nie.<\/p>\n

Marno het egter skielik pyn op sy maag begin kry en mnr. Truter het hom op sy bed laat l\u00ea, terwyl hy \u2019n ambulans ontbied het.<\/p>\n

Lees verwante stories hier:<\/p>\n

Exclusive video of ATM bombings at Midwater Centre<\/a><\/p>\n

Terwyl hy vir die ambulans gewag het, het hy gou uitgehardloop na die bakkie om hul persoonlike dokumente te kry vir die hospitaal, waarop hy al die gate in die voertuig gesien het.<\/p>\n

Hy is terug kamer toe, waarop Marno regop gesit het en in duidelike pyn was. Op hierdie stadium het mnr. Truter besef dat Marno moontlik ook raakgeskiet is.<\/p>\n

Met die ambulans se aankoms het Marno se toestand so versleg dat hy begin braak het.<\/p>\n

Hardus en Marno is na die Kosmos Hospitaal in eMalahleni afgevoer, waar daar met ondersoek gevind is dat skrapnel Hardus in die voorkop getref het. Dit kon nie verwyder word nie en hy is dieselfde nag ontslaan.<\/p>\n

\u2019n Projektiel het Marno in die sy getref en van sy ingewande beseer. \u2019n Noodoperasie is gedoen en hy is in die intensiewe eenheid van die Kosmos Hospitaal opgeneem.<\/p>\n

\u2022 Beide die seuns is woonagtig in Middelburg.<\/p>\n

\u2022 Mnr. Truter s\u00ea na aanleiding van die gate en koe\u00eblpunte wat in die voertuig gekry is, lyk dit of daar met \u2019n 9mm pistool op die kinders losgebrand is.<\/p>\n