{"id":45864,"date":"2016-04-04T07:00:00","date_gmt":"2016-04-04T05:00:00","guid":{"rendered":"http:\/\/echonews.sites.caxton.co.za\/45864\/1-000-km-vir-r-100-000\/"},"modified":"2016-04-04T08:41:57","modified_gmt":"2016-04-04T06:41:57","slug":"1-000-km-vir-r-100-000","status":"publish","type":"post","link":"https:\/\/develop.citizen.co.za\/middelburg-observer\/news-headlines\/2016\/04\/04\/1-000-km-vir-r-100-000\/","title":{"rendered":"1 000 km vir R 100 000"},"content":{"rendered":"

Hy stap vir die volgende vier weke saam met lt.kol. Deon van der Merwe (58) en adjudant offisier Swannie Swanepoel (48), terwyl afgetrede kol. Hannes Wentzel, die ondersteuningsvoertuig bestuur.<\/p>\n

\u201cOns wil graag R100 000 aan Kansa oorhandig aan die einde van ons staptog. Die geld kom maar stadig in, maar ons is baie positief en het selfs R5 000 van \u2019n oud-Suid-Afrikaanse polisieman uit Saudi Arabi\u00eb gekry.\u201d<\/p>\n

Lt.kol. van der Merwe het met die projek, Walk for Johlene, vorendag gekom nadat hy sy vrou, wat ook \u2019n polisievrou was, aan kanker afgestaan het toe sy haar 20 jare lange stryd verloor het.<\/p>\n

\u201cEk het dadelik ingestem toe Deon my vra om deel te wees van hierdie wonderlike inisiatief. Daar is veral drie redes waarom ek sonder twyfel ingestem het: eerstens vir Deon se vrou, Johlene, tweedens omdat ek my pa ook aan kanker afgestaan het en derdens vir Wiehan Botes.\u201d<\/p>\n

Lt.kol. Crafford het in 2012 vir Wiehan Botes, \u2019n vyfmaande oue baba wat in Delmas vermoor is, uit die huis gedra, waarin hy vermoor is, na die lykswa om eer aan hom te betoon.<\/p>\n

\u201cEk was op daardie saak en die stuk tussen Beaufort-Wes en Laingsburg stap ek vir Wiehan.\u201d<\/p>\n

Die manne het Dinsdagoggend 07:30 die eerste tree uit Bloemfontein gegee en het die aand, 38,9 km later, oorgeslaap by die Tierpoortdam.<\/p>\n

\u201cOns stap meestal al met die N1 langs tot ons die Kaap, 1 000 km verder, bereik. Woensdag het ons op Edenburg oornag, Donderdag op Trompsburg en Vrydagaand slaap ons op Springfontein.\u201d<\/p>\n

Op Dinsdag, 26 April, behoort die manne in die Kaap aan te kom nadat hulle \u2019n gemiddeld van 37 km elke dag gestap het.<\/p>\n

\u201cDie mense by die huis moet maar sterk staan tot ons terug is. Ons gesels die heeltyd en praat klomp nonsens,\u201d lag Lt.kol. Crafford.<\/p>\n

Terwyl die manne stap, peusel hulle die heeltyd aan verskeie happies soos dro\u00ebvrugte, biltong, dro\u00ebwors en piesangs.<\/p>\n

\u201cOns drink baie water en eet groot in die oggende en aande sodat ons genoeg energie kan inneem en nie dehidreer nie.\u201d<\/p>\n

Tot dusver het niemand nog blase nie, maar hulle is gereed om dit te behandel en het die nodige mediese sorg indien so iets sou voorval.<\/p>\n

\u201cEk het die eerste aand die swaarste gekry. Die mense by wie ons oornag, is baie gaaf en gasvry. Hulle het my in hulle borrelbad laat l\u00ea om bietjie die seer spiere te ontspan. Ons is baie dankbaar vir almal wat so goed is vir ons.\u201d<\/p>\n

Die gemeenskap is baie trots op hierdie legendariese oudpolisieman wat wys dat hy sy hart op die regte plek sit.<\/p>\n

\u201cEk is maar net \u2019n doodgewone, normale mens. \u2019n Pensionaris wat my werk voluit gedoen het en my kant probeer bring het. Ek mis wel vir Middelburg en sy mense.\u201d<\/p>\n

Indien enige iemand wil skenkings maak en hierdie projek ondersteun, kan hulle dit in die volgende rekening inbetaal:<\/p>\n

BANK: ABSA<\/p>\n

TAK: PRELLER PLEIN, BLOEMFONTEIN<\/p>\n

TAKKODE: 632005<\/p>\n

VERWYSING: WALK FOR JOHLENE CLUB<\/p>\n

REKENINGNOMMER: 931 617 9114<\/p>\n

\u201cOns wil graag ook weet wie die skenkings gedoen het sodat ons persoonlik vir elke skenker op die naam kan dankie s\u00ea.\u201d<\/p>\n