Die ter aarde bestelling is om 10:00 en die diens om 12:00 uit die Witkerk.<\/p>\n
Rachelle-Mari (oud-leerling van HTS Middelburg en Lareskool Middelburg) en nog twee PUK-studente het Vrydag gesterf na \u2019n ongeluk op die N14 tussen Venstersdorp en Krugersdorp. Di\u00e9 pad staan bekend as die Rysmierbultpad.<\/p>\n
Rachelle-Mari is saam met Jeanette Theron, per helikopter na die Baragwanath Hospitaal afgevoer. Rachelle-Mari is egter met aankoms dood verklaar. Jeanette word tans in die intensiewe sorgeenheid van die Milpark Hospitaal behandel.<\/p>\n
\u201cEk het Vrydag half vier nog vir haar \u2019n boodskap gestuur en vir haar ges\u00ea: \u201cPrinses, julle moet veilig ry. Jy moet onthou jy is my stukkie goud en sy het my geantwoord. Dit was die laaste wat ons ooit weer met ons kinders gepraat het,\u201d het me. Stofberg ges\u00ea.<\/p>\n
Die groep van vier PUK honneurstudente, Rachelle-Mari, haar vriendin Marquerite Brink, Elinda Booysen en Jeanette Theron, was oppad na Elinda se huis in Pretoria waar hulle Elinda (wat al op 16 Februarie verjaar het) se verjaardag sou vier. Volgens me. Stofberg was Elinda se ouers met vakansie toe sy verjaar het en hulle het juis die partytjie uitgestel na di\u00e9 naweek sodat almal daar kon wees.<\/p>\n
Me. Stofberg s\u00ea sy het die hele dag gewag dat haar kind moet bel om te s\u00ea dat sy veilig by hul bestemming aangekom het, maar die oproep het nooit gekom nie.<\/p>\n
\u201c\u2019n Polisiekaptein van Plaatspruit het ons omstreeks 21:00 laat weet dat daar \u2019n ongeluk was. Marquerite en Elinda is opslag dood en Rachellie en Jeanette is met \u2019n helikopter hospitaal toe geneem.\u201d<\/p>\n
Me. Stofberg en haar man, Johan, het hulle na die Baragwanath Hospitaal gehaas, waar hulle verneem het dat Rachelle-Mari oorlede is en dat Jeanette steeds in teater is, waar dokters vir haar lewe geveg het.<\/p>\n
Sy het haar dogter beskryf as \u201cso \u2019n mooi meisiekind van binne en buite. Sy was \u2019n Jesus-kind.\u201d Me. Stofberg se WhatsApp profiel is \u2019n foto van haar dogter, met di\u00e9 boodskap: \u201cPrinses, mis jou vreeslik! Ons harte is stukkend sonder jou, dankie vir al jou baie liefde.\u201d<\/p>\n
\u201cOns sou op 7 Maart na Potchefstroom gegaan het vir haar gradeplegtigheid.\u201d<\/p>\n
Rachelle-Mari was aan die begin van haar honneursgraad in BSc Plant-, Mikro en Dierkunde. \u201cSy het navorsing gedoen oor al die parasiete wat daar in water is.\u201d<\/p>\n
Onderwysers aan HTS Middelburg sal di\u00e9 skrander meisie onthou wat in haar matriekjaar ses onderskeidings behaal het.<\/p>\n
Me. Stofberg s\u00ea sy het ook elke jaar verskeie onderskeidings behaal tydens haar studies.<\/p>\n
Rachelle-Mari word oorleef deur haar ouers, Johan en Stella, suster Anretha en broer, Arnold. Anretha het Sondag vanaf Nederland geland om haar gesin by te staan.<\/p>\n
\u2022Die Universiteit van Noordwes (Pukke) se woordvoerder, Johan van Zyl, het ges\u00ea: \u201cDie Noordwes-Universiteit betreur hierdie tragiese voorval en betuig innige meegevoel met hul ouers, familie en vriende.\u201d<\/p>\n
\u2022 Al vier die studente was besig met hul honneursgrade aan die universiteit.<\/p>\n
\u2022Die insittende in die ander voertuig se naam is nie bekend gemaak nie. Daar is betroubaar verneem dat hy \u2019n vragmotor verbygesteek en toe trompop met die studente se voertuig gebots het.<\/p>\n
![\"\"](\"https:\/\/dwu32cgxelq1c.cloudfront.net\/local_newspapers\/sites\/92\/2016\/02\/16h3-2_16957-270x203.jpg\")
<\/a>\n\t\t\t<\/div>\n\t\t\t\t