{"id":43410,"date":"2016-02-23T10:00:00","date_gmt":"2016-02-23T08:00:00","guid":{"rendered":"http:\/\/echonews.sites.caxton.co.za\/43410\/meisies-steeds-weg\/"},"modified":"2016-02-24T14:58:25","modified_gmt":"2016-02-24T12:58:25","slug":"meisies-steeds-weg","status":"publish","type":"post","link":"https:\/\/develop.citizen.co.za\/middelburg-observer\/news-headlines\/2016\/02\/23\/meisies-steeds-weg\/","title":{"rendered":"Opvolg: Meisies steeds weg"},"content":{"rendered":"

Die twee meisies van Ho\u00ebrskool Kanonkop<\/a>, Clarissa Opperman (16) en Adri Groenewald (15), wat Maandag verdwyn het, is steeds weg.<\/p>\n

Gerugte dat hulle moontlik vir vriende sou ges\u00ea het dat hulle \u201coorsee gaan en nooit weer gekry sal word nie,\u201d doen sedert Maandagaand die rondte.<\/p>\n

Clarissa en Adri het die oggend nog gereed gemaak vir skool.<\/p>\n

Clarissa het vir haar ma, Mandie, ges\u00ea dat hulle \u2019n \u201csiwwie\u201ddag het by die skool en dat hulle net \u2019n skoolhemp en gewone klere daarby mag aantrek.<\/p>\n

Me. Opperman s\u00ea sy het haar skoolhemp, \u2019n swart kortbroek, \u2019n grys baadjie en grys Tommie-tekkies aangehad.<\/p>\n

Adri het by die Oppermans se huis\u00a0aangekom voor skool en was geklee in haar skoolhemp en \u2019n pienk kortbroek.<\/p>\n

Die ouers het bekommerd begin raak toe Kanonkop Ho\u00ebrskool se adjunkhoof, mnr. Deon Visser, hulle bel en s\u00ea dat die kinders nie by die skool opgedaag het nie. By navraag het hy ook vir hulle ges\u00ea dat die twee beslis nie gewone klere op di\u00e9 dag mag aangetrek het nie.<\/p>\n

Daar is aanvanklik gehoop dat hulle net stokkiesdraai en daar vir www.mobserver.co.za<\/a><\/strong> gevra om die berig terug te hou tot 16:00, aangesien Clarissa vir haar ma ges\u00ea het dat sy omstreeks 15:45 weer by die huis sal wees.<\/p>\n

Adri se ouma (by wie sy sedert babadae grootgeword het) het egter die oomblik toe hulle die boodskap van die skool kry, die Kanonkop\/Dennesig\/Middedorp Radiogroep.<\/p>\n

Hulle het met \u2019n soektog begin en die ander radiogroepe, asook die GPF Sektor 4 laat weet.<\/p>\n

\u2019n Facebookboodskap dat iemand die kinders in \u2019n taxi sien klim het, het me. Opperman afgemaak as \u201cmy kind sal nooit so-iets doen nie.\u201d<\/p>\n

Laat gisteraand (Maandag) het me. Opperman haar kind se kaste begin deursoek vir enige leidrade. Sy het die skokontdekking gedoen dat Clarissa al haar skoolboeke uit haar tas gegooi het en haar skooltas met klere gepak het.<\/p>\n

\u201cSy het haar Bybel en twee stelle klere, asook haar nagklere gevat.\u201d Me. Opperman het die Groenewalds gekontak en hulle het bevestig dat Adri dieselfde gedoen het.<\/p>\n

Die dogters het nie paspoorte nie en het net R180 kontant by hulle, waarmee \u2019n skoolhemp gekoop moes word.<\/p>\n

Radiogroeplede, asook die ouers en \u2019n polisielid het tot 01:30 Dinsdag nog mense opgeklop wat moontlik met die meisies kontak kon gehad het. Dit het egter op niks uitgeloop nie.<\/p>\n

\u201cClarissa het nog nooit so-iets gedoen nie. As my kind egter by iemand is, bring haar asseblief terug!\u201d het me. Opperman emosioneel uitgeroep.<\/p>\n

\u2022 Me. Opperman wou Maandagaand \u2019n vermiste persoon dossier by die polisie open, maar sy is in kennis gestel dat sy dit nie kan doen sonder \u2019n foto-afdruk nie. Sy is Dinsdagoggend terug en \u2019n dossier is geopen.<\/p>\n

\u2022 Die Pink Ladies<\/a>, \u2019n organisasie wat vermiste persone help opspoor, het reeds die dogters se besonderhede geneem om hulle regoor die land te sirkuleer.<\/p>\n

\u2022 Die hele land was verlede jaar in rep en roer toe die 13-jarige Neline van Zyl verdwyn<\/a> het. Sy is \u2019n week later by \u2019n oord naby Loskopdam gevind saam met \u2019n 17-jarige seun.<\/a> Hy staar klagtes van ontvoering in die gesig.<\/p>\n

Lees die vorige berig oor die verdwyning van die twee dogters van Ho\u00ebrskool Kanonkop hier.\u00a0<\/a><\/p>\n