Ons dorp het weereens nie teleur gestel nie! Toe daar gevra word, het die water ingestroom en tonne water sal Dinsdag en Woensdag in Senekal (Vrystaat) afgelewer word waar die mense nie eers meer drinkwater het nie.<\/p>\n
Me. Pretorius s\u00ea \u201cek het nie hiervoor gevra nie. Iemand het net gevra of ek vir hulle stoorplek het nie en ek het ja ges\u00ea. Ek het nie verwag dat dit s\u00f3 groot gaan word nie! Dit kon Middelburg gewees het wat sonder water kon wees. Hiermee word ons almal weer teruggebring op ons knie\u00eb!\u201d<\/p>\n
Die hele idee om water in te samel vir die droogtegeteisderde gebiede, het sy ontstaan gehad by me. Caroline van Saasen (van die Middelburg Kamer van Koophandel) wat \u2019n visoen gehad het om mense met water te help.<\/p>\n
Sy het nie presies uitgebrei oor die visoen wat sy gehad het nie en net ges\u00ea \u201cdat almal oral gepraat het van die droogte en die foto\u2019s van die diere wat gevrek het van die dors wat my baie ontstel het. Ek was maar net gehoorsaam aan Hom wat dit op my hart gedruk het om iets te doen daaraan.<\/p>\n
\u201cElke dorp neem sy eie inisiatief en help mekaar. Dit is een groot spanpoging van meer as 18 500 mense landwyd!\u201d<\/p>\n
Me. Jacky Botha het van me. Van Saasen se visioen gehoor en besef dat hulle \u2019n stoorplek moet kry, sou hulle die gemeenskap vir hulp vra. Sy het geweet dat me. Pretorius \u2019n klere-, kos- en sopprojek vanaf haar huis bedryf en besef dat almal weet van haar. Dit sou die maklikste plek wees.<\/p>\n
Teen Donderdag vroegaand kon hulle die bottels water nog tel en was daar 2 537liter. Die bottels het steeds ingestroom tot 23:45!<\/p>\n
Teen Vrydag het die voertuie tot 13 op \u2019n slag opgedaag en in toue voor haar hekke in Zuidstraat gestaan om water af te laai.<\/p>\n
\u201cNie eers die re\u00ebn het die mense afgeskrik nie en hulle het in die gietende re\u00ebn houers afgelaai!\u201d<\/p>\n
Sondag tot 22:15 is nog water afgelaai en Maandag kort voor die eerste vrag van drie en \u2019n half ton deur Feed A Child se span gelaai is, het n\u00f3g bottels water opgedaag.<\/p>\n
Van die besighede wat water verkoop, het sedert die projek begin het, spesiale aanbiedinge op hul water gehad en van hulle het selfs te min houers gehad soos die mense die projek ondersteun het.<\/p>\n
Teen Sondag is daar \u2019n Facebookboodskap gestuur deur motorfietsryers, wat ges\u00ea het dat daar n\u00f3g \u2019n trok Dinsdag sal opdaag om water te laai.<\/p>\n
Hulle het die hele gemeenskap uitgedaag om vanaf 15:00 Maandag (gister) water in enige houers te vat tot by die Midwater Sentrum waar \u2019n trok dit sal oplaai en die groep met hul motorfietse in \u2019n konvooi saam met die trok sal ry tot by Zuidstraat 42.<\/p>\n
Die Lighuis gemeente (Pongolastraat) het hul gemeentelede ook gevra om Maandag vanaf 08:00-16:00 water te bring, wat by me. Pretorius afgelaai sou word. Me. Pretorius het ges\u00ea dat die eerste water wat hulle aanstuur, by die ouetehuis in Senekal afgelewer gaan word, \u201csodat die bejaardes darem net \u2019n bietjie water kan drink.\u201d<\/p>\n
Corpus Christi was nog \u2019n gemeente wat Sondag \u2019n beroep op sy gemeentelede gedoen het om water te skenk.<\/p>\n
Me. Judy van Deventer (van Feed A Child) het ges\u00ea dat sy \u201cnie kan wag om te sien hoe dit gaan lyk as die diere hul dors met hierdie water les nie!\u201d<\/p>\n
\u2022 Weens die duisende liters water wat by me. Pretorius se huis afgegee word, was daar teen Maandag nie meer spasie om alles te stoor nie.<\/p>\n
Die span van Executive Risk Control het aangebied dat die water by hul store afgelewer word in Celciusstraat 22 (Industri\u00eble gebied) vanaf 08:00 Dinsdag (vandag). Daar sal 24 uur \u2019n persoon beskikbaar wees om die water te ontvang.<\/p>\n
\u2022 Mpumalanga Pumps het aangebied om Dinsdagoggend met \u2019n agt ton trok water te laai en te gaan aflewer. Daar word egter n\u00f3g trokke benodig om water aan te ry Vrystaat toe. \u201cAs iemand bereid sal wees om \u2019n trok te gee en iemand anders dalk kan help met diesel, dan kan ons die water by die regte plekke kry!\u201d het me. Pretorius gepleit.<\/p>\n
Persone wat moontlik nog kan help, kan me. Pretorius bel by 083 591 0011.<\/p>\n