{"id":39602,"date":"2015-12-18T08:00:00","date_gmt":"2015-12-18T06:00:00","guid":{"rendered":"http:\/\/echonews.sites.caxton.co.za\/39602\/jack-russell-soek-lyk\/"},"modified":"2015-12-18T12:06:36","modified_gmt":"2015-12-18T10:06:36","slug":"jack-russell-soek-lyk","status":"publish","type":"post","link":"https:\/\/develop.citizen.co.za\/middelburg-observer\/news-headlines\/2015\/12\/18\/jack-russell-soek-lyk\/","title":{"rendered":"Jack Russell \u2018soek lyk\u2019"},"content":{"rendered":"

Mnr. Koos Snyman s\u00ea hy het gedink \u2019n bom ontplof toe hy die slag omstreeks 02:00 Dindag in Cowen Ntulistraat hoor.<\/p>\n

Hy het na buite gehardloop en gesien dat twee huise se mure in Cowen Ntulistraat (28 en 30), se mure omgery is. Die voertuig het tussen bome en \u2019n bos tot stilstand gekom.<\/p>\n

\u201cDie persoon het van Mhluzi se kant af gekom, die stopstraat ge\u00efgnoreer, die spoedwal getref en \u2019n pad van verwoesting gesaai toe hy deur die twee mure bars.\u201d<\/p>\n

Mnr. Snyman het gehardloop tot by die voertuig om te kyk of die bestuurder nie dalk beseer is nie. Die bestuurder van die voertuig het egter ontsteld gegil dat hy \u2019n man, wat \u2019n trollie gestoot het, raakgery het.<\/p>\n

Daar het ook sowaar \u2019n trollie naby die ongelukstoneel gel\u00ea.<\/p>\n

Mnr. Snyman het dadelik sy Jack Russell, Jack, by die huis gaan haal. \u201cOns het hom van kleintyd af geleer dat as ons s\u00ea: \u2018soek!\u2019, dan gaan soek hy die persoon wat hy nie kan sien nie.\u201d<\/p>\n

Jack het snuffelend tussen die bosse en bome en erf begin rondsoek, maar elke keer net teruggekeer na die voertuig waar die man nog in die kar gesit het.<\/p>\n

Verskeie ander mense, waaronder radiogroeplede en inwoners, het intussen opgedaag en ook met flitse begin soek om te kyk of hulle nie die \u201coorledene\u201d kan kry nie. Daar is selfs gedink dat iemand onder die voertuig vasgepen kon wees.<\/p>\n

Met die polisie se aankoms is daar verder gesoek.<\/p>\n

Mnr. Snyman het op daardie stadium onthou dat hy en een van die persone wie se muur in die slag gebly het, \u2019n tuinwerker deel en dat die trollie moontlik in die erf kon gestaan het.<\/p>\n

Hy het dadelik vir Tiekie Skosana gebel, wat bevestig het dat hy die trollie in die straat sien staan het en dit in die erf gesit het vir veiligheid van motoriste.<\/p>\n

\u201cDaar was niemand wat die trollie gestoot het nie!\u201d<\/p>\n

\u2022 Die bestuurder van die voertuig se naam is onbekend, aangesien hy hospitaal toe geneem is weens sy beserings. Die polisie ondersoek \u2019n saak van roekeloos nalatige bestuur.<\/p>\n