{"id":39367,"date":"2015-12-11T18:00:00","date_gmt":"2015-12-11T16:00:00","guid":{"rendered":"http:\/\/echonews.sites.caxton.co.za\/39367\/kardiewe-oral-bedrywig\/"},"modified":"2015-12-11T10:19:45","modified_gmt":"2015-12-11T08:19:45","slug":"kardiewe-oral-bedrywig","status":"publish","type":"post","link":"https:\/\/develop.citizen.co.za\/middelburg-observer\/news-headlines\/2015\/12\/11\/kardiewe-oral-bedrywig\/","title":{"rendered":"Kardiewe oral bedrywig"},"content":{"rendered":"

Teen druktyd het hulle nog nie in die hof verskyn nie en mag hul name nie bekend gemaak word nie.<\/p>\n

By navraag aan mnr. John da Silva (direkteur, Auto Italia) het hy ges\u00ea dat die persoon by die besigheid ingekom het omstreeks 19:00. Die voertuig het omstreeks 19:15 daar uitgery.<\/p>\n

Die kardief het doodluiters ingestap en uitgery. Geen geweld is gebruik om toegang tot die gebou te kry nie.<\/p>\n

Hierdie diefstal van voertuig is die soveelste sedert 19 November en het die polisie se mediakantoor bevestig dat voertuigdiefstalle skerp toegeneem het die afgelope twee weke. Van die slagoffers het gemeld dat hulle “hoop dat dit net ‘n sindikaat was wat gekom en gegaan het!”<\/p>\n

Dit is duidelik dat die diewe nie op ‘n spesifieke uitbreiding konsentreer nie, aangesien daar in bykans al die uitbreidings voertuie of motorfietse gesteel is.<\/p>\n

\u2022 Op 19 November word mnr. Walker Mphore se wit 1400 Nissan (registrasienommer SEM002SF) bakkie in die vroe\u00eb oggendure gesteel by sy huis in Bandolierstraat (Dennesig).<\/p>\n

\u2022 Op 27 November is mnr. Polla Steenkamp se heldergroen veldfiets, in AG Visserstraat (Gholfsig) gesteel.<\/p>\n

Me. Ansie Steenkamp s\u00ea hulle het later via hul sekuriteitskameras gesien wat die diewe omstreeks 03:00 op hul erf gedoen het.<\/p>\n

Die een dief het vanaf die bure se kant oor die muur gespring, waarop hy op sy maag geseil het tot by die hek om die infrarooi strale te ontduik. Daar het hy die hekmotor oopgebreek, dit buite aksie gestel en die hek met die hand oopgeskuif sodat sy makker kan inkom.<\/p>\n

Die een het weer geseil op sy maag tot by die motorfiets, maar die ander booswig het net gebukkend gedraf om die sekuriteits-ogies te mis.<\/p>\n

Hulle het daarna doodluiters twee gewone fietse oor die muur gegooi, die motorfiets by die hek uitgestoot en weer die hek toegetrek.<\/p>\n

Hul hond het daardie betrokke aand in die huis geslaap<\/p>\n

“Ons hoop net dit is ‘n sindikaat wat gekom en gegaan het met al hierdie diefstalle!”<\/p>\n

\u2022 1 Desember: Mnr. Arthur Cope se Kawasaki JLR 650cc motorfiets (HFB868) is uit sy erf in Tabaksbergstraat (Aerorand) gesteel nadat die hek oopforseer is. Die ketting waarmee die motorfiets vasgesluit is, is afgesny.<\/p>\n

\u2022 2 Desember: Mnr. Andries Mahlangu se wit Mazda 323 word uit sy erf in Uitbreiding 24 gesteel nadat die hekke oopforseer is.<\/p>\n

“Ek het net die vorige dag my karretjie gekoop in Pretoria vir R36 000. Ek het tot middernag gewerk en toe ek die oggend wakker word, was my kar weg. Ek kan nie eers konsentreer by die werk nie, want al waaraan ek kan dink, is dat my kar gesteel is!”<\/p>\n

\u2022 3 Desember: Me. Mettie Seedat se silwer BMW 318 (CJT867MP) word gesteel waar sy hom buite die hofgeboue, aan Melrose Place se kant, in OR Tambostraat geparkeer het.<\/p>\n

\u2022 Persone wie se voertuie (trokke, sleepwaens, motorfietse en ander voertuie) gesteel word, kan Daleen Naude by die Observer bel by 013 243 1434 of mail na daleen@mobserver.co.za<\/p>\n