{"id":37808,"date":"2015-11-23T12:00:00","date_gmt":"2015-11-23T10:00:00","guid":{"rendered":"http:\/\/echonews.sites.caxton.co.za\/37808\/beide-slagoffers-van-middelburg\/"},"modified":"2015-11-23T12:28:25","modified_gmt":"2015-11-23T10:28:25","slug":"beide-slagoffers-van-middelburg","status":"publish","type":"post","link":"https:\/\/develop.citizen.co.za\/middelburg-observer\/news-headlines\/2015\/11\/23\/beide-slagoffers-van-middelburg\/","title":{"rendered":"Dubbelmoorde ruk twee families"},"content":{"rendered":"

Beide Gavin en Lucky is oud Middelburgers wat tydens ‘n huisroof op die Boschkop kleinhoewes, deur vermoedelik drie gewapende mans, doodgeskiet is.<\/p>\n

Lucky se ouers is woonagtig in Mhluzi en Gavin se broer, Johan, bedryf die plaaslike konstruksiemaatskappy Corp Air, waar Gavin en Lucky beide nog verlede jaar gewerk het.<\/p>\n

Johan het Woensdag emosioneel vertel dat Gavin op 12 Desember 2015 met Nadia Treeby, saam met wie hy op die kleinhoewe gebly het, sou trou.<\/p>\n

Die paartjie wat Sondagmiddag voor Gavin se moord nog na hul troue se onthaallokaal, ongeveer een kilometer van waar die bloedbad hom afgespeel het, gaan kyk het, is tussen 20:00 en 21:00 op die plot aangeval.<\/p>\n

Lucky, vir wie Gavin aan die begin van die jaar ‘n konstruksiewerk by die maatskappy waar hy verlede Mei aangestel is, gere\u00ebl het, het in ‘n kamer op die kleinhoewe gebly.<\/p>\n

Die twee mans het ‘n hegte band gesmee in die vyf jaar wat hulle vir Johan by Corp Air gewerk het.<\/p>\n

“Gavin het vir Lucky touwys gemaak in die boubedryf, en Gavin het ook vir hom sy werk en sy blyplek gere\u00ebl in Pretoria,” het Johan Woensdag bedroef vertel.<\/p>\n

Die twee het ook kort voor Gavin se vertrek Pretoria toe verlede jaar, saam help bou aan Johan se huis op Marlothpark.<\/p>\n

“Gavin was so maklike mens, as ek by Marloth opgedaag het om te kyk hoe vorder die bouwerk, het hy my sommer aan tien nuwe vriende voorgestel.”<\/p>\n

Johan s\u00ea dat sy broers se moordenaars die alarm wat aan die elektriese heinings om die hoewehuis gespan is vir hul vieligheid, geaktiveer het toe hulle dit knip vir toegang.<\/p>\n

Lucky, wat eerste ondersoek gaan instel het, is met die uittrapslag by sy kamer in die bolyf geskiet.<\/p>\n

Gavin het ‘n sambok en mes gegryp, vir Nadia ges\u00ea om die deur agter hom te sluit, en na buite gehaas waar hy op pad na Lucky se kamer, trompop in die boewe vasgeloop het.<\/p>\n

Nadia s\u00ea sy het Gavin hoor skreeu, en toe die skoot. Sy het by die venster uitgeloer en Gavin op die grond sien l\u00ea.<\/p>\n

Hy is met die omdraaislag, in ‘n poging om van sy aanvallers te vlug, in die agterkop geskiet.<\/p>\n

Nadia het dadelik die buurtwag op die radio geroep en die paniekknoppie herhaaldelik gedruk sodat die aanvallers besef hulp is op pad.<\/p>\n

Die lafaards het dadelik die hasepad gekies.<\/p>\n

Boere, kommandolede en omliggende bure het na die toneel opgeruk om die moordenaars se spoor te volg.<\/p>\n

Snuffelhonde kon die spoor volg tot by ‘n nabygele\u00eb plakkerskamp, waar dit verloor is.<\/p>\n

“Ons is sprakeloos, Gavin was aan die begin van ‘n baie rooskleurige toekoms, en Lucky was sy regterhandman, ons rou saam ‘n gesin wat ook ‘n seun verloor het,” s\u00ea Johan.<\/p>\n

Daar word Vrydag om 10:00 vanuit die Collage Gemeente in Elarduspark van Gavin afskeid geneem.<\/p>\n

Begrafnisre\u00eblings vir Lucky kon voor druktyd nie bevestig word nie.<\/p>\n