{"id":36650,"date":"2015-11-03T08:00:00","date_gmt":"2015-11-03T06:00:00","guid":{"rendered":"http:\/\/echonews.sites.caxton.co.za\/36650\/pit-bulterriers-verskeur-honde\/"},"modified":"2015-11-03T08:49:17","modified_gmt":"2015-11-03T06:49:17","slug":"pit-bulterriers-verskeur-honde","status":"publish","type":"post","link":"https:\/\/develop.citizen.co.za\/middelburg-observer\/news-headlines\/2015\/11\/03\/pit-bulterriers-verskeur-honde\/","title":{"rendered":"(Grafiese foto’s) – Pit bulterri\u00ebrs verskeur honde"},"content":{"rendered":"

Sowat ‘n maand gelede is ‘n negejarige kind ernstig beseer toe ‘n familielid se pit bulterri\u00ebr uitgekom en die kind se boude verskeur het.<\/p>\n

Volgens kapt. Khanyisile Zwane (polisie mediawoordvoerder) het die kind vanaf die Vrystaat by familie in Uitbreiding 18 gekuier. Die kinders het per ongeluk die hek oopgemaak waar die hond gehou is.<\/p>\n

Die eienaar van die hond het die dier laat uitsit en die kind se ma het besluit om nie ‘n saak te maak nie. Kapt. Zwane het ges\u00ea dat die honde-eienaar die mediese kostes, wat derduisende rande beloop, betaal het.<\/p>\n

In dieselfde tyd wat die kind gebyt is, is die L\u00f6tter-gesin in Cowen Ntulistraat (Gholfsig) deur erge trauma toe hul spanjoel, Lulu, deur twee pit bulterri\u00ebrs deur hul palissadeheining getrek is. Hul Yorkshire terri\u00ebr, Frikkie, is dieselfde dag ook deur die heining gebyt en ‘n gedeelte van sy bek is afgeskeur.<\/p>\n

Die egpaar was nie tuis nie en een van die bure, me. Anneke de Bruyn, het met die bebloede honde na die veearts gejaag. Lulu was s\u00f3 erg verskeur (haar gorrel was onder andere uitgeruk) dat die veearts die dier moes uitsit.<\/p>\n

Frikkie moes narkose kry om die verskeurde vel aan die kant van sy bek af te haal en die gat in sy kop te heg.<\/p>\n

“Die uitsit van Lulu en Frikkie se operasie het ons R4 000 uit die sak gejaag en dit het ons R5 000 gekos om Lulu te vervang om die hartseer makliker te maak vir ons drie kinders.”<\/p>\n

Hulle het mnr. Kobus Janse van Vuuren (die eienaar van die pit bulterri\u00ebrs), wat oorkant die pad bly, van die voorval in kennis gestel. Hulle het vir hom ges\u00ea sy honde kom uit, omdat die palissadehek onverklaarbaar kort-kort oopmaak.<\/p>\n

Op 17 Oktober was die slot nie op die hek nie en het die hek w\u00e9\u00e9r oopgegaan. Hierdie keer het die honde die L\u00f6tters se rifrughond deur die hek beetgekry.<\/p>\n

In die proses om die groot hond deur die palissade te probeer trek, is stukke van die plaveisel uit die grond uit geruk en die palissades gebuig. Een van die buurmanne het met sy voertuig tussen die honde probeer injaag, maar die pit bulle wou nie laat los nie. ‘n Groot gedeelte van die hond se kopvel is oopgeskeur en van haar tande is uitgebyt.<\/p>\n

Die L\u00f6tters se veeartsonkostes het weer bykans R4 000 beloop.<\/p>\n

Me. L\u00f6tter s\u00ea hulle het met mnr. Janse van Vuuren probeer praat oor die aangeleentheid, maar hy het sy skouers opgetrek en ges\u00ea dat daar fout is met die hek. Hy s\u00ea egter dat hy wel aangebied het om die kostes te verhaal en dat sy honde ni\u00e9 aggressief is teenoor mense nie.<\/p>\n

Me. L\u00f6tter het besluit om ‘n kriminele klagte by die polisie aanhangig te maak.<\/p>\n

\u2022 Bekende apteker Steve Dickinson het hierdie week ges\u00ea dat sy een labrador, Lloyd, drie weke gelede deur dieselfde twee pit bulterri\u00ebrs aangeval is. Verlede week is sy ses maande oue labrador, Dexter, ook gebyt.<\/p>\n

“Ek het nie ‘n saak gemaak nie, omdat my honde ook in die straat was. Daardie twee pit bullterriers is vicious! As my hond so gelyk het, dink hoe sal ‘n kind lyk as hulle beetgekry word!”<\/p>\n

\u2022 Die DBV is Woensdagmiddag deur die Janse van Vuuren egpaar gekontak om die diere te gaan uitsit.<\/p>\n

Senior inspekteur Petro Oberholzer het dit duidelik gestel “dat ons ni\u00e9 die diere weggevat het nie! Die eienaar het hulle vrywillig oorgeteken.”<\/p>\n