Dit was met gemengde gevoelens dat hulle Vrydag die dier verdoof en gehelp laai het.<\/p>\n
\u201cOns moes dit net doen om die dier se veiligheid te verseker. Dit was ook nie meer veilig vir ons om alleen op die plaas rond te loop nie, want jy weet nie wanneer wildstropers op jou gaan losbrand nie,\u201d het mnr. Dawie Roberts ges\u00ea.<\/p>\n
Die stropers het in die laaste jaar vier renosters, waarvan twee dragtige koeie was, geskiet. \u201cElke twee jaar het ons die horings laat afsny, maar hulle kom nog steeds net vir daardie stukkie wat begin groei het!\u201d<\/p>\n
Kort nadat hulle die dier verdoof het, het hulle gesien dat daar \u2019n wond is deur sy skof, wat \u2019n aanduiding is dat die wildstropers hom ook probeer doodskiet het. Hy het egter weggekom en die wond het self herstel.<\/p>\n
\u2022 Op 10 Maart vanjaar is \u2019n dragtige renosterkoei en haar twee jaar oue kalf afgemaai vir hul horings en sterte by oBhetyan-o-Africa. Die renosterbul is ook in die kop gekwes. Die dier is behandel en dieselfde week verwyder.<\/p>\n
\u2022 Die bekende Erichsens het al in 2012 al die renosters op hul familie vakansie wildsplaas, Loodswaai (sowat 65km Noordoos van Pretoria), verkoop.<\/p>\n
\u201cDie kool was net nie meer die sous werd nie,\u201d was beide mnre. Hennie en Kallie Erichsen se woorde hierdie week.<\/p>\n
Hulle het vier permanente wagte gehad met drie Land Cruisers en twee kwadmotorfietse wat die area 24 uur per dag gepatrolleer het.<\/p>\n
Die wildstropers het egter ses van die renonsters, waarvan vyf dragtige koeie, oor \u2019n tydperk van vyf jaar afgemaai.<\/p>\n