{"id":31270,"date":"2015-07-07T00:00:00","date_gmt":"2015-07-06T22:00:00","guid":{"rendered":"http:\/\/echonews.sites.caxton.co.za\/31270\/geen-berou-se-regter\/"},"modified":"2015-07-07T10:26:41","modified_gmt":"2015-07-07T08:26:41","slug":"geen-berou-se-regter","status":"publish","type":"post","link":"https:\/\/develop.citizen.co.za\/middelburg-observer\/news-headlines\/2015\/07\/07\/geen-berou-se-regter\/","title":{"rendered":"Opvolg: ‘Geen berou’ s\u00ea regter"},"content":{"rendered":"

Mnr. Ciciliato is 32 keer in sy bolyf gesteek deur huurmoordenaars wat R10 000 deur me. Botma vir die moord betaal is.<\/p>\n

Naas die steekwonde, was daar ook drie snye aan sy kop wat hy opgedoen het terwyl me. Botma en die paartjie se dogter, Rozanne, saam met ‘n vriendin van me. Botma, by McDonald’s gesit en roomys eet het.<\/p>\n

Regter Louw<\/a> het bevind dat hoewel me. Botma jare lank fisies en emosioneel deur mnr. Ciciliato mishandel is, haar bewegings nie sodanig deur hom beperk is, dat hy haar geweier het om op ‘n weeksaand met hul dogter te ry vir roomys, terwyl ‘n gruwelike dood op hom gewag het nie<\/a>.<\/p>\n

\"Mnr.<\/a>
Mnr. Tizziano Ciciliato wat op 4 Februarie 2013 32 keer met \u2019n mes in sy Gholfsig huis gesteek is. Sy vrou Ronel, is Vrydag tot nege jaar gevangeninisstraf gevonnis vir haar erkende aandeel in sy gruwelik dood.<\/figcaption><\/figure>\n

Me. Botma het die moordenaars<\/a> op ‘n foon, wat hulle vroe\u00ebr die dag by die paartjie se besigheid Cars 2000 vir haar gegee het, geskakel voordat syself die hek vir hulle oopgemaak het.<\/p>\n

Sy het in haar pleitverduideliking ges\u00ea dat met hul terugkoms tuis na die roomysetery, sy “geweet het TC is dood, en ek verlig was”.<\/p>\n

Regter Louw het dit duidelik gemaak dat me. Botma op geen stadium van die sewe dag verhoor, enige berou getoon het nie.<\/p>\n

Hy het in sy uitspraak ges\u00ea dat al die getuienis, selfs die staasgetuies, se weergawes daarop dui dat mnr. Ciciliato ‘n “arrogante boelie was met geen respek vir niemand nie, hetsy tuis of by die besigheid”.<\/p>\n

Nietemin het regter Louw bevind, dat me. Botma verskeie kanale tot haar beskikking gehad het om uit haar omstandighede te ontsnap.<\/p>\n

Hoewel verskeie getuies vir die verdediging, insluitende me. Botma se dogter uit ‘n vorige huwelik, Vicky, getuig het van bloukolle en ander beserings aan haar, sy nooit teenoor enige iemand gebieg het van die aanrandings op haar nie.<\/p>\n

Hy het me. Botma beskryf as ‘n waardige, goed opgevoede vrou, wat ‘n goeie indruk by die hof geskep het.<\/p>\n

Nietemin het regter Louw ges\u00ea dat die simpatie wat deur getuies in die hof teenoor haar betoon is, haar tog moes laat verstaan het dat hulp byderhand was.<\/p>\n

Hy het me. Botma se omstandighede met di\u00e9 van ‘n landelike vrou vergelyk – “jy het toegang tot die foon, internet, jou pastoor, jou volwasse kinders, jou vriende gehad, maar hulle in die donker gehou”<\/a>.<\/p>\n

Regter Louw het voordat hy haar tot nege jaar effektiewe tronkstraf gevonnis het, erken dat die vonnis nog die staat, wat 18 tot 20 jaar gevra het, nog die verdediging, wat bloot korrektiewe toesig verwag het, sou paai nie.<\/p>\n

Verlof tot app\u00e9l is daarna aan beide toegestaan, vir die staat weens ‘n onvanpaste ligte vonnis, en die verdediging om sy saak voor ‘n volbank regters van die Noord Gautengse divisie te stel, oor hoekom me. Botma tronkstraf moet vryspring.<\/p>\n

Betoe\u00eb hiervoor moet teen 24 Julie geliasseer wees.<\/p>\n