{"id":29058,"date":"2015-05-18T00:00:00","date_gmt":"2015-05-17T22:00:00","guid":{"rendered":"http:\/\/echonews.sites.caxton.co.za\/29058\/elf-sterf-in-ongeluk\/"},"modified":"2015-05-18T13:36:23","modified_gmt":"2015-05-18T11:36:23","slug":"elf-sterf-in-ongeluk","status":"publish","type":"post","link":"https:\/\/develop.citizen.co.za\/middelburg-observer\/uncategorized\/2015\/05\/18\/elf-sterf-in-ongeluk\/","title":{"rendered":"Elf sterf in ongeluk"},"content":{"rendered":"

Mnr. en me. Diaan en Janine Terblanch\u00e9 en hul drie weke oue baba, Diani\u00ebl, se toestand is teen druktyd deur familie as \u201ckritiek\u201d beskryf. Al drie word in die intensiewe eenheid van die Life Midmed Hospitaal behandel.<\/p>\n

Mnr. Terblanche se suster, Carla, het Maandagoggend aan die Observer ges\u00ea dat die koerant hulle nie moet steur \u201caan die stories wat rondloop nie.\u201d<\/p>\n

Me. Kagiso Mootane (Limpopo Verkeersdepartement mediawoordvoerder) het Maandagoggend aan JacaNews ges\u00ea dat die ongeluk veroorsaak is deur roekeloos en nalatige bestuur. \u2019n Klagte van strafbare manslag word ook ondersoek.<\/p>\n

Mootane het ges\u00ea dat die bestuurder van \u2019n Toyota Fortuner \u2019n trok verbygesteek het en trompop gebots het met \u2019n aankomende voertuig.<\/p>\n

In die bakkie was plaaswerkers wat vanaf \u2019n sokkerwedstryd gekom het. Elf mense het op die toneel gesterf.<\/p>\n

Daar is ook gemeld dat die bestuurder van die Fortuner van die toneel af gevlug het en dat die polisie opsoek is na hom.<\/p>\n

Carla het aan die koerant genoem dat die bakkie sonder ligte gery het.<\/p>\n

Volgens haar was mnr. en me. Terblanch\u00e9 en hul baba oppad terug vanaf die Freudenhoff familie wildsplaas op die Skerp Arabiepad. Hulle het deur Marble Hall gery, terug na hul huis op die plaas by Freudenhoff\/Terblanch\u00e9 Boerdery (Marble Hall\/Toitskraalpad) toe die ongeluk gebeur het.<\/p>\n

N\u00e1 die ongeluk is me. Terblanch\u00e9 per ambulans na die Life Midmed Hospitaal afgevoer.<\/p>\n

\u201cMy broer en klein Diani\u00ebl het baie sleg gelyk en hulle is deur ons ander broer, Janus, na dr. Dries Malan op Marble Hall gejaag.\u201d Sy het gemeld dat die dokter gere\u00ebl het dat pa en dogter ook per ambulans na die Life Midmed Hospitaal afgevoer word.<\/p>\n

Volgens familie het mnr. Terblanch\u00e9 sy heup, borskas en ribbes gebreek, me. Terblanch\u00e9 se wangbeen is vergruis en Diani\u00ebl se bobeen en armpie is gebreek. \u201cAl drie word tans onder sedasie gehou.\u201d<\/p>\n

\u2022 Teen druktyd was die oorledenes se name nog nie bekend gemaak nie.<\/p>\n