{"id":28875,"date":"2015-05-14T00:00:00","date_gmt":"2015-05-13T22:00:00","guid":{"rendered":"http:\/\/echonews.sites.caxton.co.za\/28875\/15mei5-4\/"},"modified":"2015-05-14T09:44:44","modified_gmt":"2015-05-14T07:44:44","slug":"15mei5-4","status":"publish","type":"post","link":"https:\/\/develop.citizen.co.za\/middelburg-observer\/uncategorized\/2015\/05\/14\/15mei5-4\/","title":{"rendered":"Opvolg: Vrou veg teen rower"},"content":{"rendered":"

Me. Mariana van den Bergh het Maandag ges\u00ea dat sy steeds “die bewerasies kry as ek daarvan praat.”<\/p>\n

Sy het Vrydag omstreeks 11:30 by die rooi verkeerslig op die hoeke van John Magagula- SADCstraat gestop.<\/p>\n

Me. Van den Bergh s\u00ea sy het skielik ululasie geluide gehoor (die skril geluide wat vroue met hul tonge maak as hulle opgewonde is) in die omgewing. Sy het opgemerk dat die geluide nader aan haar voertuig beweeg.<\/p>\n

Terwyl sy nog wonder waarom hulle die geluide maak, het iemand skielik haar bestuurderskant se deur oopgepluk en haar aan die arm beetgekry. “Ek glo hy wou my by die voertuig uitgooi om my kar te vat!”<\/p>\n

Sy het met alle mag teen hom baklei, vasgeskop in die kar en die deur probeer toeruk. Gedurende die stoeiproses het sy skielik gehoor hoe hy fluit.<\/p>\n

Die volgende oomblik het haar passasiersdeur oopgevlieg en ‘n tweede booswig het haar handsak, wat langs haar gel\u00ea het, gegryp.<\/p>\n

Me. Van den Bergh het haar losgeruk vanaf die eerste aanvaller, die deur toegeslaan en weggejaag. “Ek het nie eers opgemerk of die lig rooi of groen was nie. Ek het net gery!”<\/p>\n

Sy was teen Maandag nog lyfseer van die geveg. “Ek sluit altyd my deure en net die een keer wat dit nie gesluit is nie, het hulle hul kans gesien!”<\/p>\n

Sy is ook oortuig daarvan dat die vroue wat so geraas het, deel is van die groep.<\/p>\n

\u2022 In die handsak was ‘n kontantbedrag, haar identiteitsboekie, bestuurskaart, bankkaarte en kamera.<\/p>\n

\u2022 Me. Van den Bergh s\u00ea dat ‘n vriendin vir haar vertel het dat sy in die dorp was en dat iemand teen haar kar vasgehardloop het. Toe sy vir die man vra “wat doen jy?”, het hy haar deur haar oop venster in die gesig geklap.<\/p>\n

\u2022 Die Observer het sowat drie weke gelede berig oor verskeie vroue wat slagoffers was van deurrukkers.<\/p>\n

Me. Vida Labuschagn\u00e9 was by die verkeerslig op die hoek van Cowen Ntuli- en Lilian Ngoyistraat die slagoffer van drie aanvallers.<\/p>\n

Een het by haar venster geskreeu hy gaan haar doodmaak, waarop twee ander agter in die voertuig gespring het. Een het haar gewurg, terwyl die ander een haar selfoon en beursie gebuit het.<\/p>\n

\u2022 Me. Janine Patterson moes net twee dae later op die hoeke van John Magagula- en Cowen Ntulistraat veg teen twee mans wat albei die voorste voertuigdeure oopgeruk het.<\/p>\n

\u2022 Op dieselfde hoek het ‘n booswig met ‘n mes teen me. Esmerelda Brits se venster gekap, maar sy het weggejaag.<\/p>\n

\u2022 ‘n Week later het ‘n vrou (wat anoniem wil bly) geskrik toe ‘n booswig hard teen haar venster geklop het op die hoeke van Cowen Nutli- en Lilian Ngoyi. Toe sy vir hom wys dat hy moet geepad, het hy vir haar middelvinger gewys.<\/p>\n

\u2022 Rdl. San-Mari Wait was self al ‘n slagoffer van mans wat aan haar deure geruk en teen haar vensters geslaan het.<\/p>\n

\u2022 ‘n Paar dae later het mense in Walter Sisulustraat gedink dit is oorlog toe skote begin klap het. ‘n Booswig het ‘n man se deur op die hoeke van Walter Sisulu- en SADCstraat probeer oopruk, maar die man het sy wapen uitgepluk en op hom losgebrand.<\/p>\n