{"id":19160,"date":"2014-10-02T19:00:00","date_gmt":"2014-10-02T17:00:00","guid":{"rendered":"http:\/\/echonews.sites.caxton.co.za\/19160\/soek-nou-na-liefdevolle-huis\/"},"modified":"2014-10-02T14:36:28","modified_gmt":"2014-10-02T12:36:28","slug":"soek-nou-na-liefdevolle-huis","status":"publish","type":"post","link":"https:\/\/develop.citizen.co.za\/middelburg-observer\/news-headlines\/2014\/10\/02\/soek-nou-na-liefdevolle-huis\/","title":{"rendered":"Video: Soek nou na liefdevolle huis"},"content":{"rendered":"

\u2019n Mens se hart krimp ineen as die hond sy stert begin waai in sy Dierebeskermingsvereniging hok, maar stadig tot by jou voete kruip, so al asof hy vra: \u201cMoet my asseblief net nie weer slaan nie.\u201d<\/p>\n

Dit is duidelik dat die hond ook reeds diep in senior inspekteur Petro Oberholzer (Middelburg DBV Bestuurder) se hart ingekruip het, \u201comdat hy so aangehou veg het om te lewe. Hy moet nou net so gou as moontlik \u2019n huis kry. Ons kan hom nie onbepaald in die hok aanhou nie.\u201d<\/p>\n

Die DBV is op 15 September deur \u2019n histeriese me. Jo-Anne Botha vanaf die plaas Mooiplaas (tussen Arnot en Hendrina) gekontak oor \u2019n hond wat erg geslaan is.<\/p>\n

Me. Botha vertel dat sy die dag gou plaas toe is (waar hulle \u2019n huis gehuur het) om haar bloeddrukpille te gaan drink.<\/p>\n

Sy was nog in die huis toe sy \u2019n hond hoor tjank. Sy het gedink dit is haar honde en het na buite gehardloop – \u2019n plaaswerker was besig om \u2019n rondloperhond geweldig met \u2019n pyp te slaan.<\/p>\n

Me. Botha het nadergehardloop en vir hom geskree om op te hou, maar hy het hom nie aan haar gesteur nie. Voordat sy kon keer, het hy die beseerde hond in \u2019n modderpoel gegooi en teruggeloop na sy huis.<\/p>\n