Die Observer het hierdie week een van hierdie skokkende selfoonvideo’s, wat by die ongelukstoneel geneem is waar Quintin Grobler op 14 Junie gesterf het, gesien.<\/p>\n
‘n Anonieme persoon het ges\u00ea dat hy sowat ‘n uur nadat die ongeluk plaasgevind het, die videomateriaal vanaf Bethal gekry het!<\/p>\n
Op die video kan die laaste grusame oomblikke voor mnr. Grobler gesterf het, gesien word.<\/p>\n
Wat ‘n mens opval op die video is dat daar nie net \u00e9\u00e9n persoon was wat ‘n selfoonvideo van die toneel geneem het nie.<\/p>\n
Daar kan duidelik gesien word hoe een persoon voor ‘n ander een indruk om die beseerdes (mnr. Grobler wat op die toneel gesterf het en die bestuurder van die voertuig, mnr. Stoffel Swart, af te neem.<\/p>\n
“Almal is gereed om toe te sak op tonele en vir ander te wys wat hulle afgeneem het, maar hulle vergeet dat hulle dalk die volgende slagoffer kan wees of hul eie familie op wrede videomateriaal kan sien,” het die anonieme persoon ges\u00ea.<\/p>\n
\u2022 Mnr. Grobler se vrou, Sonja, het di\u00e9 week weer gevra dat enige persoon wat dalk ‘n ooggetuie van die ongeluk was, na vore moet kom. Die ondersoekbeampte is adj. Boss Mokoena en inligting kan aan hom deurgegee word by 013 249 1402.<\/p>\n
\u2022 Die Observer het die skokkende tonele uit die video gesny.<\/p>\n
Die res van die video waar ‘n mens kan sien hoe die voertuig om die boom gevou is en mnr. Stoffel Swart uit die voertuig deur die kattebak gehelp word:<\/p>\n