{"id":14468,"date":"2014-07-16T00:00:00","date_gmt":"2014-07-15T22:00:00","guid":{"rendered":"http:\/\/echonews.sites.caxton.co.za\/14468\/lang-wag-is-verby\/"},"modified":"2014-07-19T09:34:41","modified_gmt":"2014-07-19T07:34:41","slug":"lang-wag-is-verby","status":"publish","type":"post","link":"https:\/\/develop.citizen.co.za\/middelburg-observer\/news-headlines\/2014\/07\/16\/lang-wag-is-verby\/","title":{"rendered":"VIDEO: Lang wag is verby CravenWeek is hier!"},"content":{"rendered":"

HTS se pawiljoene was stampvol om 14:30 met die amptelike opening van die week, waarna ‘n naelbyt wedstryd tussen die Pumas en WP gespeel is.<\/p>\n

Die Pumas het met een punt verloor met ‘n eindtelling van 32-33 in die WP se guns.<\/p>\n

Die wedstryd het egter almal se vermoedens bevestig, dit gaan ‘n week van opwinding wees!<\/p>\n

\"Mpumalanga<\/a>
Mpumalanga rugby president, mnr. Hein Mentz, verwelkom die land by die Cravenweek se amptelike opening Maandag.<\/figcaption><\/figure>\n

Die president van die Mpumalanga Rugby-unie, mnr. Hein Mentz, was eerste aan die woord en het gaste verwelkom in die provinsie waar die son opkom, en die weer het beslis saamgespeel.<\/p>\n

Hy het die seuns aangepor om met waagmoed en geloof te speel en hulle daarop gewys dat hulle gebore is vir prestasie en derhalwe gekies is om hul talente ten toon te kom stel in die belangrikste byeenkoms vir skole rugbyspelers in Suid-Afrika.<\/p>\n

Na mnr. Mentz het die bemarkingsbestuurder van Coca Cola, mnr. Mpetsi Mbele, die seuns goed laat verstaan dat hulle di\u00e9 week teen die land se beste spelers te staan gaan kom, maar dat hulle hulself ook onder die bestes kan tel.<\/p>\n

\"SuperSport<\/a>
SuperSport saai al die Cravenweek aksie regstreeks uit. Naas die duisende toeskouers, is Middelburg ook nou oortrek van die land se top sportjoernaliste en fotograwe.<\/figcaption><\/figure>\n

Hy het hulle aangemoedig om van die geleentheid gebruik te maak om hul rugbytalent aan die nasie ten toon te stel omdat alle wedstryde regstreeks op die SuperSport kanaal uitgesaai word.<\/p>\n

Hy het Coca Cola se volgehoue ondersteuning van die jeug benadruk en mnr. Jurie Roux, uitvoerende hoof van die SA Rugby Unie se woorde dat, “die geleentheid gebruik moet word om blywende vriende te maak en eindelaaste pret op die veld te h\u00ea,” ge-eggo.<\/p>\n

Mnr. Thys Bezuidenhout, voorsitter van SA Skole Rugby, het die seuns aangemoedig om nie net ambassadeurs vir hul unies te wees nie, maar ook hul ouers trots moet maak.<\/p>\n

“Die ouers wat hier sit het ‘n lewenslange verbintenis gesmee met hul seuns se sportideale, wees dankbaar,” het hy die seuns gemaan.<\/p>\n

\"Die<\/a>
Die Mpumalanga jeugkoor het ‘n hoendervleis vertolking van die volkslied gelewer tydens die Cravenweek opening Maandag. Hier geniet die koor ook hulle oomblik in die kollig met Supersport se kamera op hulle.<\/figcaption><\/figure>\n

Hy het die lof ook toegeswaai aan die onderwysers en skole wat alles insit om hul rugbyseuns se talente te help brei.<\/p>\n

Die burgemeester, mnr. Mike Masina, het weereens ‘n kort en kragtige verwelkoming aan die Suider-Afrikaanse rugbygemeenskap gerig.<\/p>\n

Hy het verder die hoop uitgespreek dat hy in die nabye toekoms van die spelers in Groen en Goud sal sien, omdat honderde Cravenweekspelers reeds di\u00e9 eer te beurt geval het.<\/p>\n

Mpumalanga jeugkoor:<\/p>\n