So was dit meer as vyftig jaar gelede.<\/p>\n
Het tussen drie boeties gesit op die Witbank Stadion, later die Johan van Riebeeck Stadion se B-veld. Witbank, met pikswart truie, het teen \u2019n ander klub gespeel. Dit is hier waar die onthou jou in die steek laat. Weet net \u2019n dominee Van Rensburg het vir Witbank op haker gesak, kan nie onthou teen wie hulle gespeel het nie, kan nie eers onthou wie gewen het nie.<\/p>\n
Lees ook: Ons lag tot in Mbombela<\/a><\/strong><\/p>\n Kort-kort het jy gehoor:<\/p>\n \u201cKom dominee! Mooi dominee!\u201d<\/p>\n Op 3 Mei 1972 het \u2019n Noord-Transvaal B-span op dieselfde veld gespeel. Onthou die vegvlie\u00ebnier, Renier Grobler, het op vleuel uitgedraf vir die Bloues met Boerpens Strydom sy teenstander.<\/p>\n Basie Erwee was die ander vleuel. Ander kookwater Suidoos spelers was die heelagter Johnny Roelofse, senter Lood Grobler, die skakelpaar Koos Nel en Hennie van der Spuy, met yster voorspelers Ben Badenhorst, Lukas Viljoen, Piet Cloete, Hendrik Steenkamp en Lofty Nel.<\/p>\n Daardie aande het die emosie van dorpsrugby, toeskouers, die reuk van braaivleis, warmbrakke en pannekoek… \u00e9n dertig ouens op wie die stoom staan, soos hulle baklei om \u2019n bal, jou beetgepak. Gehook<\/i>!<\/p>\n Lees ook: Die dag toe die kolonel tussen die koerante moes ry!<\/a><\/strong><\/p>\n Saterdae was die Johan van Riebeeck Stadion ons jagveld.<\/p>\n Vrydagmiddae het Johannes, van Barclays Uitrusters, deur die sakekern geloop met \u2019n plakkaat om sy nek, wat die wedstryde aankondig. Hy het \u2019n groot klok, soos \u2019n ou skooklok, aanhoudend gelui. Almal het geweet daar is Saterdag rugby. Barclays se eienaar was die sekretaris van Witbank Rugbyklub, Heinie de Lange.<\/p>\n Rugby het beteken jy is al half agt by die veld, want agt uur skop die Suidoos-Transvaal laerskole af, daarna was dit die Suidoos ho\u00ebrskole, Suidoos se o\/20 span, die Blesbokke (B-span) en dan Suidoos-Transvaal se senior span, in die Sport Pienaarbeker.<\/p>\n Johannes het Saterdae sy klok en plakkaat verruil vir \u2019n mandjie om sy nek, waarin allerlei lekker eetgoed was wat hy verkoop het. Boetie Nico, wat later self vir Suidoos op flank gesak het, het hoofsaaklik saamgegaan vir die eetgoed.<\/p>\n Later was die manne in grys jou helde: Spelers soos Lood Grobler, Jan Taljaard, Lofty Nel, Kleintjie Venter, Robert Honeyborne, Boerpens Strydom, Koos Nel, Kobus Ferreira, Gert Delport, Hennie van der Spuy, Abrie van Wyk, Giel van Antwerpen, Mike Crossman, Koos Harmse…<\/p>\n Na die wedstryd het ons op die veld gestorm, net om naby aan ons helde te kom. Wie sal ooit Taljaard se drie in 1975 teen Rhodesi\u00eb vergeet toe die skrumskakel, ek dink dit was Louis Pietersen, gebreek en die bal opgewip het na sy agsteman?<\/p>\n Lees ook: Kat Smit, Kevin de Klerk en die Mercedes wat flenters geduik is<\/a><\/strong><\/p>\n Saam met Eric Heyns en die tweeling, Klasie en Gert la Grange, baljoggie gewees en toe die Poemas in 1971 op Witbank speel, programme by die stadion verkoop. Toegang was R2 en op die kaartjie het daar duidelik gestaan \u201ckinders sal nie toegelaat word, tensy hulle in besit van \u2019n kaartjie is\u201d.<\/p>\n Die La Grange tweeling was die skakelpaar in die roemryke oorwinning oor die Westelike Provinsie in \u2019n Lionbeker wedstryd. Heyns het vir Suidoos op senter uitgedraf.<\/p>\n By die toegangshek het \u2019n moeilike omie altyd gesit, wat erg omgekrap en onbeskof was as jy nie kleingeld gehad het nie. Daardie jare het jy nog \u2019n R2 noot gekry. Het dan vir boetie en die maatjies gewys hoe die noot stuif opgerol is. Wanneer die omie gesien het dit is \u2019n R2 noot, het hy ontplof, ons het in die stilligheid lekker gelag.<\/p>\n Vandag kom sit die onthou sommer lekker in die hart.<\/p>\n Die onthou van Harry Muller wat in 1973 sy buiging teen Noord-Transvaal gemaak het toe Suidoos in die Curriebeker gespeel het. Hy het later 126 wedstryde vir die provinsie gespeel. Boerpens Strydom wat Sarel Aucamp so moeilike tyd gegee het op vleuel. \u2019n Groot dag gewees, want die Johan van Riebeeckstadion is ook ingewei.<\/p>\n Ons sit op die oostelike oop pawiljoen. Suidoos laat die Pretorianers harde bene kou, maar verloor met 16-34. Noord-Transvaal wen daardie jaar die Curriebeker.<\/p>\n Dan was daar Newport. Hulle toergroep het gedreunsing \u201cN\u00e9\u00e9\u00e9wport, N\u00e9\u00e9\u00e9wport…\u201d en dan het die tuisskare geantwoord met \u201cSuid\u00f3\u00f3\u00f3s Suid\u00f3\u00f3\u00f3sss…\u201d. Suidoos wen 22-17, Lofty Nel was die kaptein.<\/p>\n Toe kom 1997, die geel varkoor met al sy tradisie verdwyn en word vervang met \u2019n grommende Puma, al kry jy geen bergleeu in die provinsie nie. Die Puma was omdat die unie se naam verander het na Mpuma<\/b>langa Rugby-unie.<\/p>\n Lees ook:\u00a0Die drie reisende joernaliste<\/a><\/strong><\/p>\n Die ouens wat geboer, by Columbus gewerk en onderwysers was op die dorp, word vervang deur huursoldate van Pretoria. Byna die hele Noord-Transvaal B-span kom speel vir die Pumas. Spelers soos Franco Smith wat deesdae die Vrystaat afrig, Marius Goossen wat in Itali\u00eb \u2019n afrigter is, Chaka Willemse, Henry Kemp, Piet Joubert (boerseun van Belfast) wat ook vir Noord-Transvaal geskitter het, Riaan Potgieter en Gavin Passens, word later almal tuisveld helde.<\/p>\n Met geldrugby verander alles, die kameraadskap, die initimiteit van toeskouer en speler verdwyn. Die lekker onthale na wedstryde, selfs keurders, is oorbodig. Wanneer jy met die vyftig jaar feesvierings by die stadion instap, is dit om soos by \u2019n ryk man se huis in te stap vir ete. Die spelers is doer ver onder, die swier en prag oorweldigend – koud, klinies. Die Johan van Riebeeck sal altyd wees soos om by jou vriende te braai. Die spelers hier by jou, die braaivleisvure se reuk in die lug.<\/p>\n Maar dit was nie net altyd rugby nie. Het gesien hoe rol \u2019n man met motorfiets en al van die trappe af in die Johan van Riebeeck stadion, toe hy te na aan die trappie gestop het. \u2019n Ambulans het hom weggeneem.<\/p>\n Dan was daar die aand toe \u2019n kar van die N4 hoofweg af tot in die stadion \u201cgevlieg\u201d het. Die twee insittendes is ernstig beseer. Die ambulans wat hulle kom oplaai het, het gelyk asof hy vir \u2019n varkboerdery gebruik word. Nou goed, dit was al na 1994.<\/p>\n Soos die jare aangestap het, het die jagveld verander na \u201cwerk\u201d – joernalis! Sekretaris van Witbank Rugbyklub geword, wedstryde uitgesaai saam met Jurg Myburg en Heinrich Marnitz vir SAUK radio…<\/p>\n …en toe is vyftig jaar verby!<\/p>\n <\/p>\n <\/p>\n <\/p>\n <\/p>\n VIDEO: Swem bakkie, swem! Die bakkie wil nie swem nie!!!<\/a><\/strong><\/p>\n Man kritiek na kar deur muur ry<\/a><\/strong><\/p>\n Ma dankbaar dat hulle leef na sy en dogtertjie in Middelburg rooftog raak geskiet is<\/a><\/strong><\/p>\n Lily Mtsweni se merkwaardige pad na bo<\/strong><\/a><\/p>\n <\/p>\n <\/p>\n Stoor ons bystand nommer\u00a0(072 248 3855) en stuur ons \u2018n Whatsapp boodskap met die woorde \u201cAdd me\u201d om deel te word van ons uitsaailys.<\/p>\n \u201cLike\u201d ons op\u00a0Facebook<\/a>, of volg ons op\u00a0Twitter<\/a>\u00a0en\u00a0Instagram<\/a>.<\/p>\n Volg ons\u00a0YouTube<\/a>\u00a0kanaal.<\/p>\n
\n<\/i><\/p>\n
\nDie ou Johan van Riebeeck stadion word vervang met die indrukwekkende Mbombela Stadion in Nelspruit.<\/p>\nAnder nuus:<\/h3>\n
Soek jy nuus op \u2019n drafstap?<\/h3>\n