{"id":90372,"date":"2015-05-27T08:05:00","date_gmt":"2015-05-27T06:05:00","guid":{"rendered":"http:\/\/germistoncitynews.co.za\/90372\/liewe-heksie-vlieg-carnival-city-toe\/"},"modified":"2015-05-26T15:30:42","modified_gmt":"2015-05-26T13:30:42","slug":"liewe-heksie-vlieg-carnival-city-toe","status":"publish","type":"post","link":"https:\/\/develop.citizen.co.za\/germiston-city-news\/lifestyle-news\/entertainment-news\/2015\/05\/27\/liewe-heksie-vlieg-carnival-city-toe\/","title":{"rendered":"Liewe Heksie vlieg Carnival City toe"},"content":{"rendered":"

Lefra Produksies toer reeds sedert 2009 met baie suksesvolle Liewe Heksie-produksies.<\/p>\n

Twee nuwe Liewe Heksie stories het nou die lig gesien en die jongspan kan nader skuif, want Liewe Heksie en haar kaboutermaats besoek die Mardi Grasteater by Carnival City, op Saterdag, 30 Mei, om 10vm.<\/p>

<\/div>\n

Die skepper van Liewe Heksie, Verna Vels, is verlede jaar oorlede en het kort voor haar dood \u2018n splinternuwe storie spesiaal vir Lefra Produksies geskryf.<\/p>\n

Lefra Produksies toer reeds die afgelope vyf jaar met baie suksesvolle Liewe Heksie-produksies.<\/p>

<\/div>\n

Regisseur Frans Swart het vir Verna oortuig om \u2018n splinternuwe Liewe Heksie-storie te skryf.<\/p>\n

So is hierdie nuwe Heksie-teaterproduksie gebore \u2013 Liewe Heksie en die Tuindwergie.<\/p>\n

\u201cEk wou nog altyd gehad het dat Heksie \u2018n tuindwergie ontmoet,\u201d het Verna ges\u00ea.<\/p>\n

\u201cEk wou sien wat Heksie met die Tuindwergie doen en, glo my, ek is seker sy gaan weer in die moeilikheid kom!<\/p>\n

\u201cOns maatjies moet maar kom kyk wat vang Heksie met Casper, die tuindwergie aan.\u201d<\/p>\n

Volgens Frans Swart, ook regisseur van Liewe Heksie, is hy baie opgewonde dat Verna die nuwe storie spesiaal vir hom geskryf het en ook aan hom toevertrou het.<\/p>\n

\u201cLiewe Heksie het deur die jare so \u2018n groot invloed op my lewe gespeel, want ek was kameraman op die Heksie-televisiereekse,” het hy vertel.<\/p>\n

\u201cBehalwe dat ek grootgeword het met Liewe Heksie, het sy in my hart kom inkruip met die televisiereekse.<\/p>\n

\u201cDit is vir my \u2018n besondere eer om Liewe Heksie en die Tuindwergie op te voer, en dis so besonders, want dis \u2018n vars en splinternuwe storie.\u201d<\/p>\n

Vier uiters talentolle akteurs gee aan die Liewe Heksie-karakters lewe op die verhoog.<\/p>\n

Anmari van Achterbergh speel die rol van Liewe Heksie, Botha Enslin die rolle van Mattewis, Kwaaitjie Kabouter, die Geelheks, Borrie die Gifappeltjie, Griet, Karel Kat, Botterblom en Koning Rosekrans.<\/p>\n

Anel du Plessis is te siene as Blommie, Kerrie die Gifappeltjie en Koning Rosekrans.<\/p>\n

Phillru van Achterbergh vertolk onder andere Casper, die Tuindwergie, Borrie die Gifappeltjie, Karring en Klein Kwaaitjie.<\/p>\n