{"id":90370,"date":"2015-05-26T14:15:00","date_gmt":"2015-05-26T12:15:00","guid":{"rendered":"http:\/\/germistoncitynews.co.za\/90370\/oom-schalk-lourens-in-afrikaans-by-carnival-city\/"},"modified":"2015-05-26T14:24:10","modified_gmt":"2015-05-26T12:24:10","slug":"oom-schalk-lourens-in-afrikaans-by-carnival-city","status":"publish","type":"post","link":"https:\/\/develop.citizen.co.za\/germiston-city-news\/lifestyle-news\/entertainment-news\/2015\/05\/26\/oom-schalk-lourens-in-afrikaans-by-carnival-city\/","title":{"rendered":"Oom Schalk Lourens in Afrikaans by Carnival City"},"content":{"rendered":"

‘n Gesoute akteur en deesdae die karakter Oom Wimpie in Binnelanders is Paul L\u00fcckhoff, Suid-Afrika se nuwe oom Schalk Lourens, die geliefde karakter wat Herman Charles Bosman jare gelede geskep het.<\/p>\n

Oom Schalk Lourens se Mampoerstories is vroe\u00ebr vanjaar tydens die jaarlikse Clover Aardklop Nasionale Kunstefees bekendgestel, en vir die eerste keer in Afrikaans.<\/p>

<\/div>\n

Dit is verwerk en vertaal deur Frans Swart, wat ook die regie van die produksie hanteer.<\/p>\n

Oom Schalk Lourens se Mampoerstories speel in die Madri Grasteatner by Carnival City af, op Vrydag, 29 Mei, om 8nm.<\/p>

<\/div>\n

Herman Charles Bosman se oom Schalk Lourens het deur die jare volksbesit geword en Patrick Mynhardt het hom vir jare op die verhoog uitgebeeld, maar oom Schalk het nog al die jare Engels gepraat.<\/p>\n

Vir die eerste keer in die geskiedenis praat hy nou egter Afrikaans.<\/p>\n

\u201cEk het vir jare saam met Patrick Mynhardt gewerk en oom Schalk Lourens het my nog altyd gefasineer,\u201d s\u00ea Frans Swart, regisseur van Oom Schalk Lourens se Mampoerstories.<\/p>\n

\u201cOom Schalk Lourens is \u2018n bobaas storieverteller, maar ook \u2018n persoon wat die Groot Marico en sy mense baie lief het.<\/p>\n

\u201cHy is ook baie lief vir mampoer en ook vir meisies.<\/p>\n

\u201cHerman Charles Bosman het sy karakter so goed omlyn en sy stories is so goed geskryf dat mens voel of jy in die Groot Marico is.<\/p>\n

\u201cGooi daarby die wonderlike talent van Paul L\u00fcckhoff en jy het \u2018n trefferproduksie.<\/p>\n

\u201cPaul verstaan die kuns van storievertel en hy het \u2018n transformasie ondergaan en het oom Schalk Lourens geword.\u201d<\/p>\n

Teatergangers kan uitsien na bekende en minder bekende oom Schalk Lourens stories soos, onder andere, Willem Prinsloo se Perskemampoer, Die Jubabessie, Die Musiekmaker en Die Bekkersdal Marathon.<\/p>\n

\u201cWat my veral ook be\u00efndruk van Bosman se storievertelling is dat baie van die stories tot vandag toe so aktueel is. \u2018n Goeie storie bly altyd \u2018n goeie storie en oom Schalk Lourens KAN stories vertel,\u201d s\u00ea Swart.<\/p>\n

Oom Schalk Lourens, \u2019n doodgewone Boer, wat eintlik \u2019n meester van oorlamse dubbelsinnigheid is, vertel hierdie stories oor die oorlo\u00eb en liefdes, gelowe en bygelowe, onkunde en wysheid, vooroordele en insigte, deugde en sondes van \u2019n plattelandse Afrikaanse gemeenskap.<\/p>\n

Di\u00e9 stories, met so \u2018n slukkie mampoer op sy tyd, het van die skrywer Herman Charles Bosman \u2018n huishoudelike naam gemaak.<\/p>\n

Hierdie briljante, po\u00ebtiese stories is vol satire, sentiment, realisme, romanse, ironie en ge\u00efnspireerde gekskeerdery en is vir die eerste keer in Afrikaans op die verhoog.<\/p>\n